Àwọn Ẹsẹ Bíbélì Tí Ọ̀pọ̀ Èèyàn Mọ GÉNESIS 4

Pín

Alita rurashpaca, ¿nacha jatunyachi tucunguiman? Nalita rurajpimi, juchaca pungupi chapanshna, canda mandangapaj shuyajun. Chai juchataca, canmi mishana cangui— nircami.

Shinallata Set runapashmi, shuj churiguta charirca. Paitaca, Enós shutitami shutichirca. Chai punllacunamandapachami runacunaca, Mandaj Diosta mañai callarinajurca.

Shinamandami Mandaj Diosca, Caín runataca: —Cambaj huauqui Abel runaca, ¿maipita?— nishpa tapurca. Shina tapujpimi, Caín runaca: —Na yachanichu. ¿Ñucachu ñuca huauquita cuidana cani?— nishpa tigrachirca.

Shina nijpimi Diosca, cashna nirca: —¿Imatata rurashcangui? Cambaj huauquipaj yahuarmi, alpamandapacha ñucata caparijun.

Shina nijpimi Mandaj Diosca, cashna nishpa tigrachirca: —Caín runata maijambash huañuchishpaca, canchiscaman llaquichi tucungapachami— nircami. Shinamandami Mandaj Diosca, maijambash tuparishpa ama huañuchijuchun, Caín runapica shuj ricuchinata churarca.