Àwọn Ẹsẹ Bíbélì Tí Ọ̀pọ̀ Èèyàn Mọ Ahẹ Ụgama 18

Pín

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Mâ yẹ ka avaba ịsa oni Ohomorihi mẹ, ẹ yị nyị oni oō nye eyi ịnị anị; nyị ịrẹyị Ẹnẹyịmavara ana vi ireche. Avaba aza ene èe zwe na vaka vi oni oō sere a mā nyị ịsị ẹ zụ kanyị wa.

Mê nowu na za Ẹnẹyịmavara kà ọ̀ ba mi owu Ọnị ọ dọ mị tụ́ hụụnị ụvọ ọnịvị amị nịnị nị Ẹnẹyịmavara a vọrọ ka àa sị ụbanyịị yị nị.

Ịjị ẹngụkata maanị tù mi, di mi nowu na za Ẹnẹyịmavara nị Mị ka ẹwụ Ohomorihi amị, navọ wa ba mi owu Di Ohomorihi yà ini eehi anị dị ọ wụ́, dị ọ ba mi owu nị.

Ẹnẹyịmavara, ẹwa sị ẹhẹ amị zoza nị Ohomorihi amị, wa sị etohozi dụ hụụ ịda amị.

Ohomorihi ọ vị ụkata amị nị; oni ee sere mi ini oze tụra oze ọnị màa zị nị.

Ẹnẹyịmavara vị ana yara pooro Ọnị aa dọ mịị tụ́ nị, mâ kụ́ ọ avọ o! Ohomorihi aa dọ mịị tụ́ ọnị ọ nyị ụbanyị hu keekere nị.