Àwọn Ẹsẹ Bíbélì Tí Ọ̀pọ̀ Èèyàn Mọ Oyinyima 27

Pín

Ohomorihi vee chire eguhii hi aarẹ awụ, dị ọ mẹ̀ ka ịsa ịnị aarẹ awụ ọnịrị eche awụ ò zoza ẹtẹẹtẹrẹ. Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

Di Iisọ ka, “Wéē re ka Ijekọvụ obooro ọ vị nị. Ụpẹ ọhụva ọnị ọ maanị aa vaa rị mị ẹtẹ ahụ yị. Ộ vịdị sị mị dọ udi ọzọkụ, ọ rẹ va sị aduwa ana a yaanị mẹ yị mị dọ.” Di Iisọ da ịpẹ yị ada anị dị ọ ka, “Ẹ yị kụkụ daba nyị aduwa ana vọ tịtẹ yị mịị?”

Di Ayiziiki ada anị ve tụ́ o ohi dị ọ ka, “Ẹtẹ ọnị ụ vaa ra ẹ yị vaa zụụ mẹ̀ ịsa. Eguhi o yi vee chiree tụ́ ịnị ẹtẹ awụ. Ụ vaa kụ ịrẹkụ di we ve re ịsa rị nị. Ụ vaa hẹkẹ ọyịnyara awụ nị. Ama ịhị wàa vaa kà a ka wẹ yị kụkụ dọ, dị ụ dọ ẹngụ awụ hụrẹ ẹ ụvọ.”

Di Iisọ kà ayị ada anị dị ọ ka, “Nda, ẹ yị daba nyị ịsa ikonya ọnị ụ kụkụ zụ mẹ yị mị? Ada amị, aarịhịnị navọ wa rẹ mẹ̀ aduwa yị mị de.” Di Iisọ nyima, di ee nowu booboro nị.