Àwọn Ẹsẹ Bíbélì Tí Ọ̀pọ̀ Èèyàn Mọ Ọda 28

Pín

Imosiisi ộ kà a yị Anisirẹrị nịnị ka, ọ̀ọ na vị ka wáa wụ́ chire Ẹnẹyịmavara Ohomorihi awụ nịnị, dị ụ sị ịzẹyịza aa saasa ọda anị ọnị maa sịị yị wụ nịnị ajịnị aanị nị, Ẹnẹyịmavara Ohomorihi awụ nịnị vaa mẹ ka we huna avaba anẹkụra ana vọ hi ẹhẹ.

Wàa saasa ịrẹyị Ẹnẹyịmavara Ohomorihi, avaba ọyịza ọnọnị vaa vị awụ nịnị.

Ẹnẹyịmavara vaa mẹ wụ nịnị ọdọvịdị ịnị akakana anẹkụra ana vọ; wẹ yị vaa vị ọdịrẹma nịnị. Wàa sị ịzẹyịza saasa ọda Ẹnẹyịmavara ọnị maa sịị yị wụ nịnị ajịnị aanị, vị́ o vee zee yị wụ nịnị pooro nị, wẹ yị vaa hyẹdụ nịnị.

Ẹnẹyịmavara vaa na oze irehi ọnị ọ kụ ịsa hi ẹbẹẹba, dị ọ zụ̀ orihii yị wụ nịnị, ọ vaa mẹ ka ò ze yị wụ nịnị ịnị avaba ụkọrọ ọnị ụ waa mẹ nịnị, dị ụ wa zụụ sị ịsaa rèré anẹkụra ọrụrụ-ọrụrụ nịnị, ama wẹ yị vaa dọ ọza ọnyọọnyị ịsaa rèré nịnị.

Ọnịvị awụ nịnị ana àa kwẹẹtẹ tu wu nịnị, Ẹnẹyịmavara vee hú wa ẹtẹẹ yị wụ nịnị. Ẹ vaa zi oze ọnyaa kwẹẹtẹ tu wu nịnị, ama oze ịhịmba e vee zwèe zị nị.

Ẹnẹyịmavara vaa mẹ ka ò ze yị wụ nịnị ịnị ụkọrọ awụ nịnị. Ụ vaa kụ ịsaa hi ini ụhwọ awụ nịnị, dị o hí ọ vaa mẹ ka ò ze yị wụ nịnị ịnị ẹtẹ ana aa sịị yị wụ nịnị aanị nị.

Wàa yà ini eehi, wàa yà ẹẹhẹ, ịsa tụra ịsa ọnị ụ wàa mẹ, vi o vee zee yị wụ nị.

Vị o vee zee yị wụ wàa yà ịnị ẹkụra nị vị ọ vee zee yị wụ wàa yà ịnị aarẹ nị.

Ẹnẹyịmavara vaa mẹ ka ò ze yi ezi ewu. Ịsị ịnị aarẹ awụ vaa mẹ ẹtẹẹrẹ. Imaaru awụ ọnịrị atẹmẹ awụ vaa rụrụụ hu avọọ.

Wàa wụ́ chire Ẹnẹyịmavara Ohomorihi awụ nịnị, dị ụ waa mẹ avaba ịsa ọnị ọ mẹ ọda anị yị wụ nịnị nị, ọ vaa mẹ wụ nịnị aza anị, anka ọ mẹ̀ vịdị kà a.

Ịsị ịnị aarẹ ọnị ụ kụ tẹ vaa vị ọyịza, ịsọyịrị awụ vaa vị ọyịza.

Ẹnẹyịmavara vaa mẹ ka wa ma ezi rụrụ nịnị, dị imaaru awụ nịnị rẹ rụrụ. Ịsị ịnị aarẹ awụ nịnị vaa mẹ ẹtẹẹtẹrẹ ịnị ẹtẹ ọnị ọ wo oto anị yị ohiku awụ nịnị ka ọnị vaa sịị yị wụ nịnị.

Avaba anẹhẹ vee re e ka, Ẹnẹyịmavara ọ nyị wụ nịnị ka wa vị aza anị nịnị nị. Ẹnịnị vee hí angwa awụ nịnị.

Ama a sị ụ na mẹ akamawụ, dị ụ wa ha hụụnị zi oze ọnyọọnyị ọsa, ọ̀ọ vị eyi ụvọrị, ọ̀ọ vị eyi ụvọha.

Ama wàa mẹ akamawụ hi Ẹnẹyịmavara Ohomorihi awụ nịnị, dị wẹ yị sị ịzẹyịza saasa ọda anị ẹnẹnị, ọnị maa mẹẹ yị wụ nịnị ajịnị aanị nị, avaba ozirenu ẹnẹnị vaa vẹ ịrẹsụ awụ nịnị.