Àwọn Ẹsẹ Bíbélì Tí Ọ̀pọ̀ Èèyàn Mọ 1 Ịtọpa 16

Pín

We nee tu Ẹnẹyịmavara kà ọ̀ gụ wụ nịnị ụvọ, dị waa hẹkẹ ẹ nịnị pooro.

Waa kụ́ Ẹnẹyịmavara avọ agụvị ka ịsa ene zoza ọ́ọ mẹ nị. Vị oō sị ịrẹyị ọza pooro nị.

Waa kụ́ Ẹnẹyịmavara avọ, dị waa kà ịrẹkụkụ anị nịnị, waa kà ịsa ọnị ọ mẹ yị aza nịnị.

Waa jẹ nịnị ka yâ vị aza anị nịnị. Avaba aza ana aa hẹkẹ Ẹnẹyịmavara ẹ̀ẹ jẹ.

Tamayị ụkọrọ ịvọpa ọnị Ohomorihi mẹ nịnị, ịvọpa ọnị ọ mẹ, ọnịrị ọ mẹ mẹ jị ịvị yị aza.

Waa jị ahẹ gono o nịnị, waa kà ịtọmatapa ọnị ọ mẹ yị aza nịnị.

Ẹnẹyịmavara ộ banyị, ọnị a vọrọ ka àa kụ́ avọ nị, ọnị a vọrọ ka aza ẹ̀ẹ sị ụbanyịị yị huna avaba ori nị.

Wàa wụ́ ịrẹha Ẹnẹyịmavara, waa sị ụbanyị ana vọrọ tụra a yọ nịnị. Sị ịsa va mẹ̀ ẹ ẹyịza ịnị ohweje anị nịnị. Tana tụra ẹtẹ dị waa kụ́ Ẹnẹyịmavara nịnị anka ọ mẹmẹ nyị ụbanyị.

Ẹnẹyịmavara vị ana nyayịnẹ nyị ụbanyị; avọọ ụkata ọnịrị ayohine me hi ini irehi anị nị.

Avaba ẹwụ nịnị anẹhẹ, waa jị ahẹ gono Ẹnẹyịmavara nịnị. Waa kà a nịnị eyinị-eyinị ịsị ọyịza ọnị ọ mẹ. Waa kà a nịnị ka ọ sị yị dọha.

Wàa yà ịnị akakana anẹhẹ, waa kà ịrẹyị ụbanyị anị nịnị ọnịrị ịtọmatapa ọnị ọọ̄ mẹ̀.

asị ẹ sị ụvọ kanyị aza anị. Ọ rẹ ka asị a nyị ịsị ẹ sị mẹ ọnịsẹ anị o.

Avaba ori anẹhẹ nịnị vị ọchị kẹnẹ ana a bẹ, ama Ẹnẹyịmavara ọ mẹ ẹbẹẹba nị.

Ộ tamayị ịrẹyị ọnị ọ ka tịtẹ ka ọnị vaa mẹ. Ịrẹyị o mē jesi pooro. Ịrẹyị ọnọọ vana jẹẹ yi ezi ịrẹma-ịrẹma ana vanaa vẹ.

Ẹwụ nịnị ẹbẹẹba ọnịrị ẹtẹ ọ̀ọ jẹ. Waa kà a yị aza nịnị ka Ẹnẹyịmavara ọ vị ohinọyị nị.

À vẹ yaa kụ́ Ẹnẹyịmavara ana vị Ohomorihi Anisirẹrị. A vẹ yaa kụ́ avọ pooro zịna-zịna. Dị avaba aza ka, “Aamị”, à vẹ yaa kú Ẹnẹyịmavara nị.

Ẹwụ nịnị aza, waa sị ụbanyịị yị Ẹnẹyịmavara, dị waa kà a ọ mẹmẹ nyị ụkata nịnị.