Àwọn Ẹsẹ Bíbélì Tí Ọ̀pọ̀ Èèyàn Mọ MARK 12

Pín

Jesu in, “Amasa pen in, ‘Israel aw, za in: TOPA i Pasien in TOPA khat beh ahi hi; TOPA na Pasien, na lungtang zosie, na hinna zosie, le na lungsim zosie tawh na it ding hi,’ a ci hi. A nina in, ‘Nangma na ki-it bangin na vengte na it ding hi,’ ci ahi hi. Tamte sanga a thupizaw thupieh dang om lo hi,” a ci hi.

Tua ciengin ama in nuazuite hlanin amate kungah, “Ke’n a tahtah a kang ci-in, sumkholna kuong sunga sumkhie zosie teng sangin tami mizawng meigongnu in a tamkhiehzaw hi. Azieh pen amate zosie in a neival a lamval uh sung panin a khie vua, tam nu in a zawn a ngau kawmkalah a kiva nading nasan hen nei loin a nei sun teng zosie a khie sieng hi,” a ci hi.

Sumkholna kuong tawh kimaingatin Jesu to a, sumkholna kuong sunga sumpi khie mihonte a en hi. Mihau tampite in sum tampipi a khie uhi. Mizawng meigong numei khat pei-in paisa khat man ahi sumsan tang ni khie hi.

Tuale, ‘Na lungtang zosie, na theina zosie le na thahatna zosie tawh ama na it ding,’ le, ‘Nang le nang na ki-it banga na vengte na it ding,’ ci pen meihal biehna buppi le biehpiehnate sangin thupizaw tham hi,” a ci hi.

Jesu in amate kungah, “Kumpipa’ nate kumpipa tungah pie unlen, Pasien’ nate Pasien tungah pie un,” a ci hi. Tuale amate in lamdang a sa mama uhi.