Àwọn Ẹsẹ Bíbélì Tí Ọ̀pọ̀ Èèyàn Mọ Yowaana 17

Pín

Balabisirye mubwadyeeri bweene; olwohuba emboosi yao niyo obwadyeeri.

Obulamu butaakama nibwo buno, abaandu boosi ohuhumanya ewe Nasaae mulala owadyeeri weeng'ene neende Yesu Kristo, yi watuma.

“Haba siindi ohusabira bano boong'ene daawe, nae sabira neende abo abafukiiriramo ohweema hu mboosi cha bano. Boosi bahoyere babe silala; koti lu ewe Laata oli mweese, haandi syesi ndi mweewe, endi nabo bosi babecheenge mweefwe, hu bulaanu esyaalo sifukiirire siti ewe niiwe owaanduma.

Ese haba siindi ohuhusaba endi obatuse mu syaalo muno, nae endi obawonie ohutula hu musuku Sitaani.

Oluyaali lu wamberesa, syesi mbabereese, hu banyale ohuba silala koti lu efwe huli silala, ese nimbalimo, ewe n'oli mweese, hu banyale ohweeholera elalira silala, hu bulaanu esyaalo simanye siti hane niiwe owaanduma, haandi wabaheera koti lu waaheera.