Àwọn Ẹsẹ Bíbélì Tí Ọ̀pọ̀ Èèyàn Mọ Jean 21

Pín

Bi jíń tijin ki dóòyee, ní Yeesu bālifì Siimɔn Peetroo yii: «Siimɔn, Yoowaneesi jipɔɔn, a néeń-mi ki jítiǹ bin bí neeee?» Ní u kíí-u yii: «Iiin, m-Dindaan, a nyí m nín néeń-see.» Ní Yeesu bí yii: «Á nīn kpàá m-pibiliŋ.» Ní u gíti bālifì-u nliliitiim yii: «Siimɔn, Yoowaneesi jipɔɔn, a néeń-maaa?» Ní u bí yii: «Iiin, m-Dindaan, a nyí m nín néeń-see.» Ní Yeesu bí-u yii: «Á nīn kpàá m-piii.» Ní u gíti bālifì-u ntataatiim yii: «Siimɔn, Yoowaneesi jipɔɔn, a néeń-maaa?» An nìn kɔ́ Peetroo kunimbaau min ní Yeesu nìn bālifì-u ntataatiim yii, a néeń-maaayee, ní u kíí Yeesu yii: «M-Dindaan, a nyí tikɔkɔ, ki nyí m nín néeń-see!» Ní Yeesu bí-u yii: «Á nīn kpàá m-piii.

Ibaamɔn, ibaamɔn ní m sòoǹ nì si, a nín nìn sá unaacimpɔɔnee, a nìn gbìǹ a-dambalau a-ba, ní ki cá laakin a yaa lèe. Ama a yaa láa púĺee, a dāa tàntī a-ŋalii, ní ubɔ ń gbìn̄-si dambala, ní kí cáá-si kí cùnnì laakin aa bàà là kí cùee.»

Ní u bí-bi yii: «Dūmaan kulaaŋŋu kí tɔ̄ buŋalimbu ŋgiil pú, ni làá cúú ijɔm.» Ní bi dū kulaaŋŋu ki dūu tɔ́, ní an cúú ijɔm tikpil, áli gba baa ti kpáàa ŋūǹ kí dáaĺ kí nyāntiń.

Ní Siimɔn Peetroo bí-bi yii: «M cá dilaantɔl.» Ní bi bí-u yii: «Ti mun làá nóó-si kí cù.» Ní bi búntì ki cūtìi kɔ́ buŋalimbun. Ama, yaadal nyeekuee, baa nìn cúú báà tiba nì tiba.