Àwọn Ẹsẹ Bíbélì Tí Ọ̀pọ̀ Èèyàn Mọ ЛукӀа 3

Pín

Вири халкьди цик акахьун къачурдалай кьулухъ Исадини цик акахьун къачунай. Ада дуьаяр ийизвайла, цавар ахъа хьана. Лифрен шикилда аваз Пак Руьгь Исадал эвичӀна. Цаварай: «Вун Зи рикӀ алай Хва я, Зи шадвал Валди я!» – лугьудай сес чкӀана.

Ягьяди, виридахъ элкъвена, лагьана: – За квев цик акахьун къачуз тада. Амма залай гзаф къудрат авайди къведа. Зун Адан кӀвачин къапарин чӀулар ахъайизни лайих туш. Ада квев Пак Руьгьдик ва цӀук акахьун къачуз тада.

Къуй куь хъсан крарин майвайри куьн Аллагьдин рекьел атанвайди къалуррай! «Чи буба Ибрагьим я», – лугьуз ацукьмир; за квез лугьузва хьи, Аллагьдивай и къванерни Ибрагьиман веледриз элкъуьриз жеда.

ЯкӀвни датӀана тарарин пунарив гьазур я: хъсан майваяр тегъидай гьар са тар атӀана цӀуз гадарда.

ГьакӀ хьайила, Яшай пайгъамбардин ктабда икӀ кхьенвай: «Кьурумда гьарайзавайдан ван чкӀида: „Реббидиз рехъ гьазура, Адан рехъ дуьзди ая. Гьар са дере ацӀур хъия, дагъни тепе дуьзен ая. Патахъ рекьер дуьзар хъия, ханвай рекьер цӀалцӀам хъия. Гьа чӀавуз чан алай гьар садаз Аллагьди гудай хиласвал аквада“».