Àwọn Ẹsẹ Bíbélì Tí Ọ̀pọ̀ Èèyàn Mọ Mga Taga-Efeso 6

Pín

Kay wala kita makig-away batok sa dugo ug unod, kondili batok sa mga daotang espirituhanong gahom diha sa kalangitan, sa mga pangulo, sa mga anaa sa gahom ug sa mga daotang gahom nga nagmando niining kalibotan sa kangitngit.

Buhata kining tanan diha sa pag-ampo ug pangayo kamo kanunay pinaagi sa Espiritu. Tungod niini pagbantay kamo ug lahutay gayod. Pag-ampo kanunay alang sa tibuok balaang katawhan sa Dios

Isul-ob ninyo ang tanang kahimanan sa gubat nga gihatag sa Dios kaninyo aron makasukol kamo batok sa mga pagpanglimbong sa Yawa.

Busa dad-a ang tanang kahimanan sa gubat nga gikan sa Dios! Ug inig-abot unya sa daotang adlaw, makasukol kamo sa inyong kaaway sa walay pagsibog o pag-undang hangtod sa kataposan.

Dad-a kanunay ang inyong taming nga mao ang inyong pagtuo kay pinaagi niini makapalong kamo sa tanang nagsiga nga ipana kaninyo sa Yawa. Ug ikalo ninyo ang kaluwasan ingon nga panalipod sa ulo ug gamita ang pulong sa Dios nga gihatag kaninyo sa Espiritu ingon nga espada.

Busa pangandam kamo: gamita ang kamatuoran ingon nga bakos, ang pagkamatarong ingon nga salipod sa inyong dughan ug ang kadasig sa pagsangyaw sa Maayong Balita sa pakigdait ingon nga inyong sapatos.

Sa kataposan, lig-ona ang inyong kaugalingon diha sa pagpakighiusa sa Ginoo pinaagi sa iyang dakong gahom.

Ang unang sugo nga dunay saad mao kini: “Tahora ang imong amahan ug inahan,” ug kini ang saad: “aron ka mabulahan ug mataas ang imong kinabuhi dinhi sa kalibotan.”

Mga anak, sanglit mga Cristohanon man kamo, sunda ninyo ang inyong mga ginikanan kay mao kini ang husto.