Àwọn Ẹsẹ Bíbélì Tí Ọ̀pọ̀ Èèyàn Mọ Māteo 18

Pín

Mo taka-taka e rua ꞌo e toru taŋata hai ꞌīŋoa ōꞌoku, ꞌi vāeŋa o rāua a au.

»He kī atu a au: mo haꞌaꞌau ꞌi te ao nei hoko rua o kōrua mo no-noꞌi e tahi meꞌe hai pure, he vaꞌai atu e tōꞌoku Matuꞌa o te raŋi.

He raŋi e Ietū ki te poki e tahi, he haka māroa ꞌi vāeŋa o rāua ꞌe he kī: —ꞌĪ a au he kī atu: mo taꞌe huri o te kōrua manaꞌu pa he ŋā poki, e ko oꞌo kōrua ki roto i te haka tere iŋa ꞌāpī o te ꞌAtua.

Te kope hopeꞌa o te hōnui o roto i te haka tere iŋa ꞌāpī o te ꞌAtua he kope manaꞌu i hau rō atu te rua ki a ia, ꞌe tōꞌona manaꞌu pa he ŋā poki.

ꞌE te kope toꞌo ꞌe hāpaꞌo hai ꞌīŋoa ōꞌoku i te rua, ka ai atu i te poki e tahi pa he poki nei, e toꞌo ꞌana i a au.

»ꞌĪ a au he kī atu: te meꞌe mo taꞌe haꞌatiꞌa e kōrua ꞌi te ao nei, ko taꞌe haꞌatiꞌa takoꞌa ꞌā ꞌi ruŋa i te raŋi, ꞌe te meꞌe mo haꞌatiꞌa e kōrua ꞌi te ao nei, ko haꞌatiꞌa takoꞌa ꞌā ꞌi te raŋi.

He kī haka ꞌou e Ietū: «Pē ira takoꞌa tōꞌoku Matuꞌa o te raŋi ka aŋa atu ena mo taꞌe haka rehu o kōrua hai māhatu i te meꞌe taꞌe tano aŋa atu e te kōrua taina».

»Te ūtuꞌa o te ꞌAtua mo te taŋata haka hara i te kope taꞌe pūai rahi o te haka moe iŋa i tōꞌona manaꞌu ꞌi ruŋa i a au he ūtuꞌa ꞌata taparahi-taꞌata ki te ūtuꞌa he here hai māꞌea paŋahaꞌa ki te ŋao ꞌai ka hoa ki raro i te parera o te vaikava.

»Mo ai e tahi taŋata e ai rō ꞌana e hoꞌe hānere māmoe ꞌe he ŋaro e tahi, ¿e ko haka rē hō ꞌi ruŋa i te maꞌuŋa ꞌā i te māmoe era e iva ꞌahuru mā iva mo oho mo kimi i rā māmoe ŋaro era?