Àwọn Ẹsẹ Bíbélì Tí Ọ̀pọ̀ Èèyàn Mọ Mumpar 17

Pín

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Baa hen Abramee yerɛ kpa, kɛ baa dɛɛ yerɛ Abraham, dɛkalkɛŋɔ henee mɛɛ ba ɡela he ɛ nɛnfuuh bwa mɛɛ.

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

“Fɔo n ne haa dɛ fɔwɛ laanee kɛŋɔ mɛɛ ɡeloo he ɛ harɛre damanta nɛra naa.

Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa.

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?”

Korowii berɔ ŋɔ Abraham be ŋɔ, “He haah sɔn laa Sarai kpa. Le fini dɛɛ kaa o sɔne Saara.

Penteŋa nɔɔ dɛ́ baɡle fɔo waa chɔ n ne he baah.

Kɛ mɛɛ ɡeloo n fɔo la do n ne he bie Aesek Saara aa dɛ ba o lola benanyoa saŋ nɔ bɔr la baah.”

Le fini dɛɛ kaa, bibaa te bɛlbwa baa lolɔ la, hé teŋe o pen. He bini bɛlee kɛɛ nɛndɔɔlee yoo, o di tɔpera anuatoro naa, hé teŋe o pen. Nomɛlbwa baa lolɔ o ɛ he ɡbaɡba bini bɛl, kɛɛ onɔ la haa yawɔ bwa, chɛ kɛ bá teŋe o pen, ásɛ n fɔo la do he bwadabii ta saŋ bɛlbwa dɛɛ la.