Àwọn Ẹsẹ Bíbélì Tí Ọ̀pọ̀ Èèyàn Mọ Mumpar 1

Pín

Belaa Korowii ŋɔ, <<Yá ta nɛwɛnyina bá do kɛ yan, dɛ́ɛ di kpeɡri pɛŋa ne jumbii ne kondɛɛra ne kpɔɡ bini ola, anjena ne anjeɡre, dɛ hweera kwaa aa dɛ huuh dɛɛ tuuɡi tea ta bwa nɛ.>> Anomanta, o ta nɛwɛnyina, ɡɛ tenten waa doa laanee o ta ba. Baa ne haahnee o ta.

Korowii swee andɛɛɡa tɛɛ ba dɛ ŋɔ, <<Hé loɡle dɛ́ su harɛ ta pirim, ásɛ dɛɛ di kpeɡri pɛŋa aa lɔ mpo ta, ne jumbii ne koŋɡaahla aa lɔ nyundua, dɛ hweera kwaa aa dɛ huuh dɛɛ tuuɡi tea ta bwa nɛ.>>

Komɛlbwa mumpar la, Korowii ta nyundua ne harɛ.

A ɡɛ saŋ la dɛ harɛ ta mar dɔe, dɛ komɛlbwa toole o ta. Dɛ nee tɔ komɛlbwa ta asɛ bɔr bir kpirkpir ken, asɛ Korowii Doma do nee la sie dɛ la dɛɛ ba.

Belaa Korowii ŋɔ, <<Bɔ́r chaah.>> Asɛ bɔr chaah.

Anɔ bwa habɔɔ la, Korowii nyiŋi kwaa waa taa la bwa dɛ na kɛŋɔ a bwa wer kɛrɛdɛ. Asɛ bɔr jo dɛ chaah, onee tɔpere waa teŋa numɛl.

O na bochaah la kɛŋɔ o wer. Asɛ o pere bochaah la le biro la bini

Dɛ ŋɔ, <<N tɛ heyaa kwaa aa dɛ ɛ bie ne daa aa nɔnɛ, dɛ dɔ bie a bini bwa soo siwi harɛ nɔ bwa ta, ásɛ a ɛ kondikwaa tɛ heya

dɛ pa bochaah la sɔn <bɔrchaahna> asɛ dɛ pa biro la ɡe sɔn <bɔrjoe>. Asɛ bɔr jo dɛ chaah. Onee tɔpere waa tɔ sie.

Korowii berɔ ŋɔ, <<Née la pere anɛ ásɛ ane kaa nyundua ásɛ ane ka harɛ.>>

dɛ kpɔ kpɔɡa ne papooni dɛ tɛ ola ne jumbii, ne kwaa aa dɛ tuuɡi tea ta ne anɔ la aa dɛ huuh, dɛ hweera kon te bɛlbwa ásɛ a ɛ a kondikwa.>> Asɛ a ɛ ɡɛ.

Asɛ Korowii ŋɔ, <<Kwáa chaah nyundua dɛ́ korɛ webaŋa le jwaana ta, dɛ́ baɡle tɔpera ne bene ne saŋ bɛla

Dɛ ŋɔ, <<Hárɛ pɛɛ la le kpɔɡa ne daa bwa soo siwi. Anɔ la aa dɛ ɛ bie ne daa aa dɛ nɔnɛ dɛ dɔ bie a bini bwa.>> Asɛ a ɛ ɡɛ.

Gɛɛ Korowii ta bɔr nyundua dɛ pere nee la, ane kaa nyundua ane ɡe ka harɛ. Asɛ a ɛ ɡɛ.

Harɛpɛɛ la le kpɔɡa ne daa bwa soo siwi. Anɔ la aa dɛ ɛ bie ne daa aa dɛ nɔnɛ dɛ dɔ bie a bini bwa. Asɛ Korowii na kɛŋɔ a wer.

Korowii ta konjena anɛ aa chaah. Anee wee ne korobie. Wee la kan dɛɛ chaah kohona bɔr chaahna saŋ, asɛ korobie waa do jeɡa la ɡe ɛɛ chaah jwaana. O ta weweela ɡe.

Belaa Korowii ŋɔ, <<Née la aa ka harɛ la ka chɔ bobeŋkpoŋ ásɛ a ka harɛpɛɛ chɔ.>> Asɛ a ɛ ɡɛ. Asɛ o pa harɛpɛɛ la sɔn <harɛ>, dɛ pa nee la aa chɔ bobeŋkpoŋ la ɡe sɔn <mpo>, dɛ na kɛŋɔ a wer.

Asɛ Korowii swee andɛɛɡa tɛa dɛ ŋɔ, <<Hé loɡle dɛ́ warɛ dɛ su neerare ne mpo, ásɛ jumbii la ɡe loɡle dɛ́ su harɛ.>>

Asɛ Korowii ŋɔ, <<Hweera kwaa bwa soo siwi ba harɛ ta, kpɔɡ bini olchɔɡa, ne kondɛɛra ne anɔ la aa dɛ tuuɡi tea ta ne anɔ la aa dɛ huuh, a bwa ne a soo siwi.>> Asɛ a ɛ ɡɛ.

O berɔ ŋɔ, <<Pɛ́ŋa ne nee bini koŋkwaa su nee la ta pirim ásɛ jumbii ne koŋɡaahla do nyundua dɛɛ ɡah.>>

Korowii ta a bini bɛlbwa soo siwi. Waa na kwaa waa taa la, o nao kɛŋɔ a wer.