Àwọn Ẹsẹ Bíbélì Tí Ọ̀pọ̀ Èèyàn Mọ Maatteeo 23

Pín

Aanytĩk eet cobbi hõrggẽẽnaa cunuung hĩĩ dticciannioohit cunuung.

Hĩnĩngĩtĩ ẽẽtĩ ꞌcĩ õdõng ẽlẽ cĩnnĩ hĩllõõan ꞌgõõnõgĩ, aaꞌnyĩhoothĩk hatĩ hĩĩ hĩdĩca nẽ ẽẽtĩ ꞌcĩ aaꞌnyĩk ẽlẽ cĩnnĩ hĩĩ hĩdĩca, odoꞌngi hatĩ nẽẽ hĩĩ maka.

“Pĩĩrnanĩt hĩ ngagiit ꞌlimmanniook cĩg nyattaalak hĩ ngagiit Variꞌtheei, oloꞌngiaaha cieegi! Aaꞌnyiku niig Nyekuc ꞌbaaninit ꞌcĩ abadtẽc ꞌcĩ aaĩ hĩ hẽẽt ꞌcĩ hidici ꞌcĩ aarĩhoothĩk ꞌdiaatatõõ nẽ ataarrioꞌthu thooꞌthiok ꞌcĩg õkõmĩ cĩg nyattaalak ꞌcĩg aattĩg hĩ, bũnnai hĩ tamaati hĩ ngaatĩ hathĩknĩ Nyekuc. Abũnnaa ngaatĩ aaꞌnyiku Nyekuc ꞌbaaninit ꞌcĩ abadtẽc nẽ abathĩ ngaatĩ ataarroꞌthu thooꞌthiok cĩg Nyekuci ꞌcĩg aaddi.

“Pĩĩrnanĩt hĩ ngagiit ꞌlimmanniook cĩg nyattaalak hĩ ngagiit Variꞌtheei. Oloꞌngiaaha cieegi! Ĩĩgĩnnu niig eet ꞌcĩg uuꞌnyu hooppoꞌnya hĩ hẽddẽmĩ battaali hĩĩtõ tẽllĩg nẽ ũtũngteehu ĩĩttõõ hĩĩtõ ꞌriiring, haauto hĩ ꞌthinneeti cugguung ꞌcĩg abbĩꞌthĩĩ lõbõlõbẽẽꞌthĩt hĩ muruꞌthẽẽt ko!

“Niig eeta cĩg ꞌJeruꞌthalẽmĩ! Uruktu niig põrõvẽtaaꞌnya nẽ ohoddiaau eet ꞌcĩg ĩꞌthooyyiakuung ngagiit biyyiẽẽnĩ. Baa hatabi tabattĩ hiriiri halũtaannuung ngagiit hĩ tũhũlũc aagõõng alũtaak lõhõlĩ cĩgĩnnĩg havvuutõnĩĩ cĩgĩnnĩg. Hõllõngaa hinnia ẽlẽmaakaangu buúk.

Nẽẽthĩ ꞌgõõla hõdẽẽthõng, acĩnnuung eeta battaala iiginnu eet ꞌcĩg abũnnayyu nẽ ꞌthinneetinitõõ cugguung, ĩko nẽẽ iiginnu oloꞌngiaak hĩ ꞌthẽccanniook.