Àwọn Ẹsẹ Bíbélì Tí Ọ̀pọ̀ Èèyàn Mọ ꞌLuuka 9

Pín

Ma ho, uduhaak ĩhõõggõ vẽlẽk ĩĩnnĩk, “Ẽẽtĩ ꞌcĩ adiim anũyya nganĩĩta, aꞌnyĩĩk hẽlẽmana ẽlẽ cĩnnĩ nẽ irriongan hurucce cĩnnĩ nẽ ũnũaanĩ.

Ẽẽtĩ ꞌcĩ adiim aꞌthũũnnĩ rũgẽt cĩnnĩ, adhuheek hatĩ tuu, nẽẽthĩ, ẽẽtĩ ꞌcĩ adhuheek rũgẽt cĩnnĩ tuu, hĩnĩngĩtĩ nganĩĩta, ẽẽla hatĩ nẽẽ rũgẽt cĩnnĩ.

Ẽdẽcĩ hinnia Yeesu ĩnõõnnõ anneek, “Aitiõõ eet ꞌcĩ aggam hõllaac cĩ taꞌngõõ nẽ ubbuudõthĩ looc uruta, hõllõngaa ũũppan ngaatĩ occa adticaniini habuccieetaa cĩ Nyekuci.”

Ne ꞌyioko ꞌthẽk ꞌcĩ occa ammũda ẽẽtĩ hĩĩ ꞌcĩ aaꞌnyĩhõõthĩkĩ ĩnõõnnõ lõõcĩ nicciee vẽlẽk nẽ udhuheek rũgẽt cĩnnĩ tuu?

Nẽ má abũrĩ ẽẽtĩ umwaa ngaatĩ ẽlẽmma nganĩĩt hĩ thõõth caannĩ, abũrĩ hatĩ Ngeertĩ Eeto buúk ngaatĩ ẽlẽmmĩ ĩnõõnnõ, hatĩ ikia nẽẽ bulẽẽttaa cĩnnĩ, hĩ ĩĩcĩ Maacõnĩ, hĩ ĩĩcĩ aajĩlẽẽt ꞌcĩg ẽllẽẽmĩthĩ.

Ẽdẽcĩ hinnia Yeesu ĩnõõnnõ anneek, “Aꞌnyak irrieerrwaana tabannwa ꞌcĩg ooginni nẽ aꞌnyak hĩbaallĩ buúk ꞌcieethi cĩggĩĩng, nẽẽthĩ, aitiõõ Ngeertĩ Eeto nĩngĩtĩ aruhaanĩ õõ haaga tõõ.”

Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”