Àwọn Ẹsẹ Bíbélì Tí Ọ̀pọ̀ Èèyàn Mọ Yõaannẽ 3

Pín

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Baa hõllõngaa ĩꞌthõõa Nyekuci Ngeerĩnĩ loota nĩnga, hikia huuk eet cĩg looc nicci thõng, baa ĩꞌthõõa nẽẽ ĩnõõnnõ hikia hẽẽla ĩhõõggõ thõng.

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Hõllõngaa hatĩ uuki ẽẽtĩ ꞌcĩ ẽlẽmĩ Ngeertĩ Nyekuci, nẽẽthĩ, ẽẽtĩ ꞌcĩ hõllõngaa ẽlẽmĩ ĩnõõnnõ, ẽttẽẽdĩ thõõth cĩnnĩ ẽlẽk, hĩnĩngĩtĩ hõllõngaa ẽlẽmĩ nẽẽ Ngeertĩ Nyekuci ꞌcĩ odoyyii.

“Ikia lanyit loota nĩnga ẽlẽk nẽ eeta ꞌcĩg adĩman thooꞌthiok ꞌcĩg abathĩ, etteeddiothoothĩk thooꞌthioha ꞌcĩg abathĩ ĩhõõggõ ẽlẽk, hĩnĩngĩtĩ ammĩnan nẽẽg muguur hĩllõõan lanyit.

Yeesu ꞌcĩ hatĩ aku abuli hĩllõõan nẽ hikia hĩĩna naa eet umwa ꞌcĩ hidici haaga.

Eeta vẽlẽk ꞌcĩg adĩman ꞌthẽccanẽẽta, aaburreek lanyit nẽ occa hõllõngaa au hĩ lanyit, hĩnĩngĩtĩ iꞌngolli nẽẽg aĩ, appulanniaa hatĩ ꞌthẽccanẽẽta cĩggĩĩng ko battaala.

Ammũda hatĩ eeta vẽlẽk ꞌcĩg ẽlẽmĩ Ngeertĩ Nyekuci rũgẽt ꞌcĩ aalla ooo nẽ ẽẽtĩ ꞌcĩ abũrĩ thõõth cĩ Ngeertĩ Nyekuci, hõllõngaa hatĩ ammũda rũgẽt niccia, alĩĩllĩk hatĩ Nyekuci eet tĩho nẽ uuk ĩnõõnnõ ũdũt!”

Nẽ adiim odoꞌngi Ngeertĩ Eeto hẽẽtahujjieen, haau hĩ baa õdõng Mũũꞌtha hũkaat ꞌcĩ ĩĩn ꞌthiihit, horrwatõõ umwaanĩ ĩĩcĩ õdõhõhĩĩ kak.

“Ammĩnan Maaꞌnyia Ngeerĩnĩ nẽ aaꞌnyĩk ĩnõõnnõ ꞌgii vẽlẽk.