Àwọn Ẹsẹ Bíbélì Tí Ọ̀pọ̀ Èèyàn Mọ मत्तायोस 8

Pín

येसुस आरिन बाचस, “अना पत्त'अना नू पयहा आलारो, एन्‍देरगे एल्‍चदर?” फिन येसुस चॊचस ती घटन दरा समुदर आबोन केप्‍पस, ख़ने ठकरा अरा छछिन्‍द मंजा केरा।

लिकिन रोमी सौ सैनर ही मुद्धस आनाकिर्ताचस, “उर्बायो, ऎन गा ई जॊगे मलकन का नीन एंग्‍है एड़पा भितरी बर'ओय। लिकिन ओन्‍टा कत्‍था लेका आना चि'आ होले एंग्‍है जॊंख़स उजगार'ओस।

येसुस इदिन मेंजस ती आसी पत्त नू अकबकरस। अरा आस तंग्‍है ख़ॊख़ा चॊंख़्र'उरिन ऎर'अरकी बाचस, “मानिम नू ऎन निमन ब'अदन का इस्राऎल नू हूँ ऎन एन्‍ने पत्ताचका आलासिन मल ईरकन।”

तहाँ येसुस रोमी सौ सैनर ही मुद्धासिन बाचस, “कला, नीन एकासे पत्ताचकादय अन्नेम निंग्हा जॊंख़स गे मनो।” अरा आ बारिम आसी जॊंख़स कोड़े मंजस केरस।

इदिन ईरियर ती चेलर अनचकरर केरर अरा बाचर, “ईस एकासे आलस ताका दरा समुदर हूँ ईसी पॆसकन मिनी।”