Àwọn Ẹsẹ Bíbélì Tí Ọ̀pọ̀ Èèyàn Mọ Ephesianee 5

Pín

Bee‐jee shiuish er‐y‐fa shen eiyrtyssee dy Yee, myr cloan ennoil; As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Jeeagh‐jee eisht dy jean shiu gimmeeaght dy tastagh, cha nee myr ommydanyn, agh myr sleih creeney. Jannoo ymmyd mie jeh’n traa, er‐yn‐oyr dy vel laghyn seaghnagh ayn.

As ny bee‐jee er meshtey lesh feeyn, ayn ta neu‐heeltys; agh bee‐jee er nyn lhieeney lesh y Spyrryd; Loayrt riu hene ayns psalmyn as arraneyn‐moyllee, as arraneyn spyrrydoil; jannoo bingys as kiaull ayns nyn gree gys y Chiarn; Coyrt booise dy kinjagh son dy chooilley nhee da Jee dy jarroo yn Ayr, ayns ennym nyn Jiarn Yeesey Creest

Shen‐y‐fa ny bee‐jee neu‐hastagh, agh toig‐jee cre ta aigney yn Chiarn.

Gheiney‐poost, cur‐jee graih da ny mraane eu, dy jarroo myr hug Creest myrgeddin graih da’n agglish, as hug eh hene er e son

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey

Ginjillaghey shiu hene yn derrey yeh gys y jeh elley ayns aggle Yee.

Shiuish vraane‐poost, jean‐jee shiu hene y injallaghey gys ny deiney‐poost eu, myr gys y Chiarn.

Ny‐yeih, lhig da dagh unnane euish er‐lheh myr shen graih y choyrt da e ven dy jarroo myr da hene; as jeeagh dy der y ven arrym da e sheshey.

Er yn oyr shoh faagee dooinney e ayr as e voir, as bee eh er ny sniemmey gys e ven, as bee ad ny‐neesht un eill.

As ny lhig da sheshaght er bee ’ve eu rish obbraghyn neu‐vessoil y dorraghys, agh ny sleaie cur oghsan daue