Àwọn Ẹsẹ Bíbélì Tí Ọ̀pọ̀ Èèyàn Mọ Tsiv Dlim 31

Pín

“Kuv tau xaiv Npexalees kws yog Ulis tug tub hab yog Hawj tug xeebntxwv huv xeem Yudas, hab Kuv pub rua nwg puvnpo Vaajtswv tug Ntsujplig, puvnpo kev totaub, muaj txujteg zoo, hab muaj peevxwm txug kev txaug txhua yaam, kuas muaj tswvyim txawj tawm qauv txua tau txhua yaam, nchuav kub, nchuav nyaj, hab nchuav tooj; txawj txav tej saw lug sisdlhos, txawj zaij ntoo, hab txawj txaug txhua yaam.

kuas qha rua cov Yixalayees has tas, “Mej yuavtsum ceev nub Xanpataus, kws yog Kuv nub su, ruaqhov nub ntawd yog ib lub cim rua mej hab Kuv ib tam rua ib tam, kws qha has tas Kuv, kws yog mej tug TSWV, tau xaiv mej lug ua Kuv tsaav tuabneeg.

Nwg yog ib lub cim rua Kuv hab cov Yixalayees moog ibtxhis le, ruaqhov Kuv, kws yog tug TSWV, tau tsim lub ntuj hab lub nplajteb tau rau nub, tabsis nub thib xyaa Kuv su hab tsi ua ib yaam dlaabtsi le lawm.”