Àwọn Ẹsẹ Bíbélì Tí Ọ̀pọ̀ Èèyàn Mọ Atasalunikayi II 2

Fye to ye zaho-zahoi wa dna fye kwoce kwo fyewyin. Gama nyipyei ta ɓen sai anya ngun aba nku zhin, kmisunyi esa n aza ɓei na Shekwoyi aɓo, n sayi oza kala kpeyi anapi ɓi wo ɓei ɓe.

Ama tilas ya zhin Shekwoyi godiya cici ntu fye ɓo, eyi aza je n Dagayi ye fye nyi, gama Shekwoyi a ɓei kni fye tunyi n sapa, wa ga fye gni-gni, woi zhan fye ya n Zafun Gyi-gyi-yi ntu fye kpema ɓo n gaiciya.

Wo ɓei tu Shekwoyi cegye n nya doho-dohoi n na gakwo mwa-mwa, Wo ɓei lo wo sase tu n Shekwoyi nyakun ngye Shekwoyi, woi cige wo zhin Shekwoyi nu.

Eyi Dagayi Yesu Kristi n wohin tukwo n Shekwoyi eyi Dada, n wa ye yi wa gayi atnazhin nyalo-nyalo nya n na awyetu yi n yi to kunce ya bwan. Wo zhin fye bugba a tna, n na atnazhinyi vinya, wa bma fye zhin n ɓo manayi vinya, n fye ɓa zhin fyei da.

Ntucenu Shekwoyi ɓei fa ɓa, ɓa ga akata gaiciya n ɓa bugbayi vinya.

Benukwoyi zhin-hi ye, wo ɓei ɓe ngye Shetan a tnu-tnu kaya, n nunuyi n Shetan ikoyi, woi dna aza kwoce n na aɓe wo-woyi n wo ɓei zhin. Wo ɓei dna aza kwoce kpekpe n ɓa lo anapi nyi–gama ɓala gaiciya aɓo na, ɓato ye kwo, ɓa gakwo gaiciya, n na bai kwa gni ɓam.

Tnu-tnu n oza kala kpei n anapi nyayi ɓei zhin, esa n wa ɓe, kwo gyi abye lo n saiye, ama owo nwohin tukwo ta ɓen, sai oza n wo hana n woi nyi wola laka.