Àwọn Ẹsẹ Bíbélì Tí Ọ̀pọ̀ Èèyàn Mọ Kalatias 6

Pín

Yogli ntawd, cia peb tsis txhob nkees rau txoj kev ua zoo; yog peb pheej ua tsis tsotseg, muaj ib hnub peb yeej yuav tau sau xwb.

Yogli, thaum uas muaj zoo sijhawm, cia peb ua zoo rau txhua tus, tshwjxeeb yog ua zoo rau cov uas nyob rau hauv tsev neeg ntseeg Vajtswv.

Nej yuavtsum sibpab ris nra, yog nej ua li ntawd nej thiaj yuav coj tau rawsli Yexus Khetos txoj kevcai.

Nej tsis txhob xav yuamkev tias nej yuav dag tau Vajtswv. Txhua tus nyias yuav tau sau raws nraim li tej uas nyias tseb.

Tus uas tseb rawsli nws sab nqaijtawv, nws yuav tau sau kev ploj kev tuag; tiamsis tus uas tseb rawsli sab Ntsujplig, nws yuav tau sau txojsia ntev dhawv mus ibtxhis.

Cov kwvtij, yog nej ntes tau ib tug uas ua kev txhaum, nej cov uas paub Vajtswv zoo lawm, yuav tau ua lub siabmos siabmuag ntuas tus ntawd kom nws rovqab los ua zoo. Tiamsis nej yuavtsum ceevfaj, nyobtsam nej yuamkev ua txhaum thiab.

Yog nej leejtwg xav tias nws yog ib tug tseemceeb heev tiamsis qhov tseeb tiag nws twb tsis tseemceeb dabtsi li, ces yog nws rov dag nws tuskheej xwb. Txhua tus nyias yuavtsum ua tibzoo saib nyias tes haujlwm. Yog leejtwg tes haujlwm zoo lawm, mas nws thiaj khav tau ntawm nws tuskheej txog yam uas nws ua tau ntawd, tsis tas nws yuav coj nws tes haujlwm mus piv rau lwmtus tes. Rauqhov nej txhua tus nyias yuavtsum ris nyias lub nra.