Àwọn Ẹsẹ Bíbélì Tí Ọ̀pọ̀ Èèyàn Mọ Matthew 2

Pín

Aasii isiqłutiŋ iglumun tautuŋagaat miqłiqtuuraq aakaŋalu Mary, aasii sitquqłutiŋ nanġaŋagaat. Tavra aŋmaqługich suġalitiŋ, aitchuŋagaat aitchuutinik, manigñik kaviqsuanik, tivraġiksuaniglu, myrrh-niglu.

Jesus aniŋaruq Bethlehem-mi Judea-miittuami, Herod umialgumman. Tavra Iḷitchiruat iñuich paaŋŋamiñ tikiññamiŋ Jerusalem-mun, apiqsriŋarut. Sumi imma aniva umialgat Jews? Tautuŋagikput uvluġiaŋa paaniinŋapta, aasiuvva qairugut sitquġvigiyaqtuqługu nanġaġukługu.

Tautukamirruŋ uvluġiaq, quviasupiaġataŋarut.

Aasii kiliktauvlutiŋ siññaktukun utiquŋił̣ł̣ugich Herod-mun, utiqsaŋarut nunamiŋnun allakun apqutikun. Tavra iḷitchiruat aullaaniŋmata, isaġulga Atanġum niptaŋaruq Joseph-mun siññaktukun, aasii uqallautivlugu, Makittin. Pigruutikkik miqłiqtuq aakaŋalu Egypt-mun, aasii taamaniitchumausi uvamnun aullaqutchiaġilusi taamaŋŋa. Qanuq Herod ivaqłiayumalliqsuq miqłiqtumik tuqutchukługu.