Àwọn Ẹsẹ Bíbélì Tí Ọ̀pọ̀ Èèyàn Mọ Juan 7

Pín

Chi mɨde ijãa bɨ baitꞌee Tachi Akꞌõre Ũraa pꞌãdade jara bɨkꞌa: ‘Eperã tꞌãrideepa to chakꞌekꞌa jĩchooyada aji, paniapa eperãarã chokꞌai pꞌanapiparikꞌa.’

Fiesta Rancho Oopata jõ wãda ewate, ma ewari waibɨara paji. Ma ewate Jesús bainɨ̃ beeji mãikꞌaapa golpe pedeeji: —Apida opisia bɨ pɨrã, mɨmaa chepáde aji, tode.

Ma pedee “paniapa eperãarã chokꞌai pꞌanapiparida” akꞌãri, Jesupa jara kꞌinia baji Tachi Akꞌõre Jaure, mãgɨ́ pëiitꞌee bada perã irude ijãapataarãmaa. Mamĩda Jesupa mãga jarakꞌãri, waide Akꞌõre Jaure pëi–e paji, ichi waide ɨtꞌaa wã–e bada perã.

Mɨa oo bɨ ɨ̃rɨpai akꞌɨnáatɨ jaradaitꞌee pia wa kꞌachia. Akꞌɨ́tɨ Tachi Akꞌõrepa mɨ akꞌɨparikꞌa, iruapai jarapii perã chisãgɨ́ pia mãikꞌaapa chisãgɨ́ kꞌachia.

Eperãpa ichi kꞌĩsiadoopa jarateekꞌãri, mãga oopari awaraarãpa ichi tꞌo pꞌanadamerã. Mamĩda eperãpa jarateekꞌãri awaraarãpa Tachi Akꞌõre Ũraa pia akꞌɨ pꞌanapataadamerã, mãgɨpa wãarata jarateepari. Seewa jarakꞌaa mãikꞌaapa eperãarã kꞌũrakꞌaa.

Jesupa pꞌanauji: —Mɨchi kꞌĩsiadoopa jaratee–e bɨda aji. Mɨa jaratee bɨ mɨ pëidapa jarateepi bɨkꞌa.

Na pꞌekꞌau eujãdepemaarãpa parã kꞌĩra unuamaa iru pꞌanadakꞌaada aji. Mamĩda mɨ kꞌĩra unuamaa iru pꞌanapata, mɨa jarapari perã ãchia kꞌachia oopata.