Àwọn Ẹsẹ Bíbélì Tí Ọ̀pọ̀ Èèyàn Mọ Juan 3

Pín

—Tachi Akꞌõrepa na pꞌekꞌau eujãdepemaarã audú kꞌinia iru bada perã, ichi warra apai iru bada pëiji piumerã eperãarã pari. Eperãpa iru Warrade ijãa bɨ pɨrã, atua–e. Jai–idaakꞌãri, Akꞌõre eujãde banaitꞌee.

Tachi Akꞌõrepa ichi Warra pëi–e paji na pꞌekꞌau eujãdepemaarã atuapiitꞌee. Jĩpꞌa pëiji eperãarã o kꞌachiade wãdapꞌedaadeepa kꞌaripa atade atuanaadamerã.

Jesupa mãgaji: —Mɨa wãarata jararu. Eperã waya tꞌo–e pɨrã, pꞌoyaa ba–e pai Tachi Akꞌõre jua ekꞌari ichideerã ome.

ʼMapa Tachi Akꞌõrepa atuapi–e ichi Warrade ijãa bɨ. Mamĩda atuapiitꞌee chi ijãa–ee bɨ, mãgɨpa ijãakꞌaa perã Tachi Akꞌõre Warra apai iru badade.

Chi ɨ̃daa pɨkꞌa bɨ cheji na pꞌekꞌau eujãdee. Mamĩda eperãarã ũkꞌuruurãpa ma ɨ̃daa pɨkꞌa bɨ kꞌiniadakꞌaa paji, pꞌãriu pɨkꞌa bɨde pꞌanee kꞌinia pꞌanadapꞌedaa perã ne–inaa kꞌachia oodaitꞌee.

Iru mɨ kꞌãyaara waibɨara paitꞌee eperãarã kꞌĩrapite. Jõdee mɨ iru ekꞌariara paitꞌee.

Chi kꞌachia ooyaa beerãpa ma ɨ̃daa pɨkꞌa bɨ unuamaa iru pꞌanapata. Iru kꞌawa kꞌiniadakꞌaa. Mãga pꞌanɨ kꞌiniadakꞌaa perã irua unupimerã ãchia ne–inaa kꞌachia oopata.

Eperãpa iru Warrade wãara ijãakꞌãri, ichita bapariitꞌee Tachi Akꞌõre ome. Mamĩda eperãpa iru Warrade ijãa kꞌinia–e bɨ pɨrã, Akꞌõre trua unu–e paitꞌee. Tachi Akꞌõre ichita kꞌĩrau baitꞌeeda aji, mãgɨ́ eperã ome.

Moisés eujã pania wẽe bɨde Israel pidaarã ome nipakꞌãri, taama broncedee ooda pakꞌurude jiraji eperãarãpa mãgɨ́ akꞌɨdamerã. Mãgá piuda–e paji. Mãga pɨkꞌa ichiaba chi Eperã Akꞌõre Truadepema pakꞌurude ichita jiradaitꞌee

Tachi Akꞌõrepa ichi Warra kꞌinia iru bapari. Ne–inaa jõmaweda iru jua ekꞌari bɨji irua akꞌɨmerã.