Àwọn Ẹsẹ Bíbélì Tí Ọ̀pọ̀ Èèyàn Mọ Deuteronomio 30

Pín

Sa araw na ito, tinatawag ko ang langit at lupa na maging saksi kung alin dito ang pipiliin ninyo: buhay o kamatayan, pagpapala o sumpa. Piliin sana ninyo ang buhay para mabuhay kayo nang matagal pati na ang inyong mga anak. Mahalin ninyo ang PANGINOON na inyong Diyos. Sundin ninyo siya at manatili kayo sa kanya, dahil siya ang inyong buhay. Kapag ginawa ninyo ito, mabubuhay kayo nang matagal doon sa lupaing ipinangako niyang ibibigay sa inyong mga ninuno na sina Abraham, Isaac, at Jacob.

Inuutusan ko kayo ngayong mahalin ang PANGINOON na inyong Diyos, na mamuhay ayon sa kanyang pamamaraan, at sundin ang kanyang mga utos at tuntunin. Kapag ginawa ninyo ito, mabubuhay kayo nang matagal at dadami, at pagpapalain kayo ng PANGINOON doon sa lupaing titirhan at aangkinin ninyo.

Makinig kayo! Sa araw na ito, pinapapili ko kayo: buhay o kamatayan, kasaganaan o kahirapan.

Hindi, napakalapit ng kautusan sa inyo; nasa bibig at puso ninyo ito upang inyong sundin.

Babaguhin ng PANGINOON na inyong Diyos ang mga puso ninyo at ang mga puso ng inyong lahi upang mahalin ninyo siya nang buong pusoʼt kaluluwa, at mabubuhay kayo nang matagal.

Pauunlarin kayo ng PANGINOON na inyong Diyos sa lahat ng ginagawa ninyo. Pararamihin niya ang inyong mga anak, mga hayop at ang inyong mga ani, dahil natutuwa ang PANGINOON na pagpalain kayo gaya ng pagpapala niya sa inyong mga ninuno.

Ngunit kung tatalikod kayo at hindi susunod sa kanya, at kung sasamba kayo at maglilingkod sa ibang mga diyos; ngayon pa lang, binabalaan ko na kayong tiyak na mamamatay kayo. Hindi kayo mabubuhay nang matagal sa lupaing titirhan ninyo at mamanahin doon sa kabila ng Jordan na inyong sasakupin.

Hindi mahirap unawain at gawin ang mga utos na ito na ibinibigay ko sa inyo ngayon.

Wala ito sa langit para magtanong kayo, “Sino ba ang aakyat sa langit para kunin ito at ipahayag sa atin upang masunod natin?”

Wala rin naman ito sa kabila ng dagat para magtanong kayo, “Sino ba ang tatawid sa dagat para kunin ito at ipahayag sa atin upang masunod natin?”