Àwọn Ẹsẹ Bíbélì Tí Ọ̀pọ̀ Èèyàn Mọ Nkalásiya 6

Pín

Kópu mb꞉aa d꞉uud꞉uu kîdmyengê yé ngmê, doo u ntââ nmo d꞉uudpî diya, mu kópu u dîy꞉o kópu mb꞉aa n꞉ii nmo ntówo too, yi nt꞉u dmi dini ghi n꞉ii ngê wa kaalî, mb꞉aamb꞉aa u ngwo anmo pyw꞉oo.

Yi kópu u l꞉êê dîy꞉o yélini yi k꞉ii Yesu ka nmo kêlîmî té, mb꞉aamb꞉aa ngê dmyinê ngêêpî dé, wo yéli myedmyinê ngêêpî dé. Ala pi ngêêpî u dye ghi.

Pini n꞉ii ka kópuni dîngîdîngî ngê adî pyodopyodo, dmyinê ngêêpî, Yesu Kédisu u dêêpî kópu u ngwo anmyi chââchââ. Yi kópu ala, nmyi nuu ghi dmi numo nódo dny꞉oo ya.

Ntênê dmyinê nuw꞉o. Doo u ntââ Chóó Lémi daanmyi dóó ngmê. Ntini n꞉ii anyi ntówo, vyîlo yi ntini nt꞉u yuu kaalî.

Pini n꞉ii nuw꞉o dono u pono a vyápê yédi, nt꞉u dini ghi n꞉ii ngê wa kaalî, Chóó Lémi ngê wa dyênê. Pini n꞉ii nmî Mî u Ghê Dmi u pono a vyápê yédi, nt꞉u dini ghi n꞉ii ngê wa kaalî, ghê kamî wa a pyw꞉oo, ghéni n꞉ii chedê ngê daawa pyódu.

A tîdê mbwó yoo, nmyi vy꞉o pini ngmê ngê angmê kn꞉aadi knomomê, yélini nmî Mî u Ghê Dmi pono a vyápê té, yi yéli y꞉oo yi pini moo wáti y꞉e. Gheteghete ngê u kwo nangmê mbwólu, nmyi chóó nmye myedmyina a vyuwo, yinté kópu kîdmyengmê d꞉uu ngmê.

Pini n꞉ii ngê dê vyi knomomê, Nê pi ngmê, ngmênê u pi têdê, yi pini ngê chóóchóó dpî dóó. Nmyi chóó nmyi l꞉êê ghi dmi ntênê dmyinê mumu dé, kn꞉aa yéli yi dono knî yi mbêmê nmyi chóó nmyi pi dmi namê kmîmî dé. N꞉ii u l꞉êê ghi dmi mb꞉aamb꞉aa dé, vyîlo yi pini ngê choo tpapê, Nê pi mb꞉aa. Pi ngmê ngê kîngê vyi, Yoo yi dono ndîî, a dono têdê, Chóó Lémi ngê daawa kpada nê. Kêle, nmyi l꞉êê ghi dmi mb꞉aamb꞉aa ngê dny꞉oo ya, u ngwo daawa kpada nmyo.