Àwọn Ẹsẹ Bíbélì Tí Ọ̀pọ̀ Èèyàn Mọ Proveps-Knare Nomaniza 2

Pín

Na'ankure Ra Anumzamo knare antahiza neramigeno, Agri agipinti antahi'zane, antahi amama huzamofo kea ne-e.

Mofavre'nimoke, nagri kema antahinka kasege'nima eri kagu'afi nentenka, knare antahintahire kagesa neminka, kagu tumokareti hunka ama' antahizana e'nerinka, kagrama knare'zane havizanema refko hu antahintahigu'ene, ama' antahizanku'ma kezama netinka, silvagu'ma hiankna hunka knare antahizankura nehakrenka, marerisa zantami frakinte'nea zanku hakreankna hunka hakresunka, Ra Anumzamofoma kore hunteno agorgama manizana keama nehunka, Anumzamofo antahi'zana hakrenka erifore hugahane.

Fatgo vahe'mofona knare antahiza ante avitenenteno, makazampima mani fatgoma huno mania vahe'mofona, Agra hanko zamigna nehie. Na'ankure Agrake fatgo vahe'mokizmia kama vano hu'zazmifina kegva nehuno, zamagu tumoteti hu'za amage'ma antaza nagara kavu'za zamifina zamagu nevazie.

Na'ankure hazenkezmi omane vahe'mo'za ana moparera mni'nesage'za, makazampima mani fatgoma nehaza vahe'mo'za ana mopare manigahaze. Hianagi kefo avu'avama nehaza vahe'mokizmia ana mopafintira zamazu hunetreno, fatgoma hu'za omanisaza vahera zamahe fanane hugahie.

Arumofo a'mo monko'za huno vano nehania a'mo, nagrane eno huno kazeri savri hu'naku hanianagi, ana knare antahintahi'zamo'a kahokeno kaguvazigahie. Ana a'mo nevena netreno, kahefazniare Anumzamofo avure'ma huhagerafina'a huvempa kea amefi hunemie.