Àwọn Ẹsẹ Bíbélì Tí Ọ̀pọ̀ Èèyàn Mọ GENESIS 27

Pín

Itdan ka komuy Dios na linaew na tawen, tan gawaen ton mataba ray alog mo! Itdan to ka komuy dakel a naani tan daakan ya alak! Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.

Inkuanen Esau, Sikato yay kumadwan impansaol tod siak. Ag la pankelawan a Jacob so ngaran to. Inala to la ray kanepegan kod inkapangulowan ya anak, tan natan inala to ni so bindision a para siak. Anggapo ta lay inkera yon bindision a para siak?

Inkuanan Isaac ed sikato, Anggapoy linaew na tawen a para sika, Anggapoy mataban dalin a para sika. Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.

Intuloy nen Esau so mikasid kinen ama to, Akin, saksakey so bindision yo, ama? Bindisionan yo ak pa met, ama! Insan manakis.