Àwọn Ẹsẹ Bíbélì Tí Ọ̀pọ̀ Èèyàn Mọ Ekihsatahs 20

Pín

“Niin ohsha kaaTipenciketc kiKishemanitoom kaakiih saakiciwininaan weti Iicipahkiink (Egypt) , kaakii ishi kakwaataki mihtkanohkii'ikoyampan.” “Keko pahkaan manitook ayaawaahken enaahsamiiyaan.”

“Keko oshihtamaasohken manitoowi oshihcikanak ci‑ishinaakosiwaatc kekoon eshinaakwahk kihci kiishikonk, komaa kaye ahkiink, komaa kaye weti kekoon eyaak anaamipiik. Keko kaye ociciinkwanapiihtawaahken awenenak iko tino manitoohkaanak, keko kaye anami'ehtawaahken. Niin iitok kaaTipenciketc weKishemanitoomiyan, kaawiin tahsh awaac iko kipakitinihsinoon pahkaan manitoo ci⁠ayaawatc. Ninka nana'ahsaak hsa iki kaa⁠shiinkenimiwaatc, opiiwesiimiwaa' kaye, piinihsh nihsink, komaa kaye niiwink keni ayaanihke nihtaawiki'itiwaatc.

“Kihtenim kitete, kimaamaa kaye, kinwesh ci⁠pimaatisiyan i'imaa ahkiink kaaTipenciketc kiKishemanitoom kaawii miinihk.”

“Maamihkawinotan kaye kaa⁠Anwepiiwi kiishikahk, Kishemanitoo hsa i'iweni okiishikanom.

“Keko tahsh kaye anoociko inaapacihtoowaahken kaaTipenciketc owiinsowin kiKishemanitoom, kaawiin ohsha kaaTipenciketc oka aanswe nana'ahsaahsiin iniweniwan anoociko kaa⁠inaapacihtoonitc owiinsowin.”

Ninkotwaahsokiishik hsa kipakitinikoo ci⁠tootaman kahkina kitanohkiiwinan. I'i tahsh wiin kaa⁠niishwaahsokiishikahk mii hsa 'i e⁠Anwepiiwi kiishikahk Kishemanitoo wiin iko kaa⁠tipentank. Kaawiin hsa awiya ta‑anohkiihsii i'i ahpii. Kaawiin kika anohkiihsiim, kikosihsak, kitaanihsak, kitanohkii'aakanak kaa⁠ihkwewiwaatc, kaa⁠ininiiwiwaatc kaye. Kaawiin kaye kitawahkaanak, iki kaye kaa⁠mayakisiwaatc kaa⁠wiici ayaamihkwaa.

“Keko kaye mihsawentamawaahken kiicipimaatis owaahkaa'ikan. Keko kaye mihsawenimimaahken kiicipimaatis wiiwan, komaa kaye otanohkii'aakanan kaa⁠ihkwewinitc, komaa kaye kaa⁠ininiiwinitc. Keko kaye mihsawentamawaahken opishihkiiman, omaanshimihtatimooman, kekoonini kaye kiicipimaatis kaa‑ayaatc.”

“Keko kaye anoociko ishi anihsha anaamimaahken kiicipimaatis ke⁠onci maanshihsetc.”

“Keko kaye papaamenimimaahken awiya owiitikemaakanan pihshikwaacaya'ink inahke.”

“Keko kaye nihshiwehken.”

“Keko kaye kiimootihken.”