Àwọn Ẹsẹ Bíbélì Tí Ọ̀pọ̀ Èèyàn Mọ Apostolo 14

Pín

Ma ing bia ira iruo apostolo, Pol ma Banabas, dir ga hadade bia di ga wara gilgil huo ta dir, dir ga diris ira kiniasi dir wara hamines bia dir ga malok bia da gil huo ta dir. Dir ga hilau suur taar ta ira matanaiabar ma dir ga kakonga bia, “Ai! Waak muat ra gilgil kaike ra mangana linge! Mir mah mir airuo tunotuno mon hoing muat ma pai a tadaar mir. Mir kapkap hawaat ra tahut na hinhinawas tupas muat. Mir tangtange ta muat bia muat na tahurus talur kaiken ra linge bia mon, ma muat na talingane no lilona God nong ga gil no mawe, no ula hanuo ma no tes, ma ira mangana linge kenam narako ta dal.

Ga hanhadade ira nianga tane Pol. Io, Pol ga ngok dit tana ma ga nes bia ga uno mon nurnur bia na langalanga. Io kaik, Pol gaam tau ie ma gaam tange, “Tut ma nu tur!” Kaik at mon no tunotuno ga karwas tutur ma gaam tur leh wara hinahaan tubena.

Pol ma Banabas dir ga bul udiet ari kabinsit ta ira hala na lotu tikatikai. Ma dir ga tar diet uram tano limana no Watong nong diet gate nurnur tana. Dir ga gil huo ma ra sinasaring ma ra hinahal.