UHEZEKILE 1:4-9
UHEZEKILE 1:4-9 IZIBHALO EZINGCWELE (XHO75)
Ndabona ke, nanko kusiza umoya ovuthuzayo, uvela ngasentla, unelifu elikhulu nomlilo obumbeneyo njengembumbulu, nobumhlophe obungeenxa zonke kulo, obuphuma ngaphakathi kwawo, bubonakala ngathi yigolide evuthiweyo emlilweni phakathi. Ngaphakathi kwawo yimfano yezinto eziphilileyo eziné. Nantsi ke imbonakalo yazo: zibe zinemfano yomntu; inye ibinobuso obuné, inye kuzo apho ibinamaphiko amané. Imilenze yazo ibiyimilenze ethe nkqo; umphantsi weenyawo ubunjengomphantsi wenqina lethole; zidangazela zibonakala ngathi lubhedu olubengezelisiweyo. Zazinezandla zomntu ngaphantsi kwamaphiko azo emacaleni azo omané; zoné ke zinobuso namaphiko; amaphiko azo abehlangene, elaleyo nelaleyo; bezingajiki ekuhambeni kwazo, bezihamba, iyileyo iye kwicala elikhangelene nobuso bayo.
UHEZEKILE 1:4-9 IBHAYIBHILE (XHO96)
Ndathi ndakujonga ndabona umbono: Nâso isiphotshongwane sesaqhwithi sivela ngasentla, sitsho ngelifukazi elitshawuza umlilo, lithe wambu ubuqaqawuli. Emlilweni apho kwakudangazela into engathi sisinyithi esitshe sada sabomvu. Kwalapho kwakukho isine sezidalwa eziphilayo, ezimilise okomntu. Ngasinye kuzo sasinobuso obumacala mane namaphiko amane. Imilenze yazo yayithe tswi, iinyawo zifana namanqina ethole. Zazibengezela okobhedu olugudisiweyo. Zazinezandla zomntu phantsi kwamaphiko macala omane. Zone izidalwa zazinobuso namaphiko. Ayayamene ngamacala amaphiko. Isidalwa ngasinye sasihamba ngqo, singajika-jiki.
UHEZEKILE 1:4-9 Contemporary Xhosa Bible 2024 (CXB24)
Ndabona, nanko kukho umoya ovuthuzayo, uvela ngasentla, uvela ngelifu elikhulu, nomlilo ogubungelayo, kukukhanya okumhlophe, kuphuma phakathi komlilo; Kwabakho ke kuwo umzekeliso wezinto eziphilileyo zone. Imbonakalo yawo ibinje; babenemo yomntu. Inye ibe inobuso obune, inye ibe inamaphiko amane. Imilenze yazo ibiyimilenze ethe tye; umphantsi weenyawo zazo ubunjengomphantsi wenqina lethole, zibengezela ngokwembonakalo yobhedu olukhazimlisiweyo. Zazinezandla zomntu phantsi kwamaphiko azo emacaleni azo omane; zone kuzo zazinobuso namaphiko. Amaphiko azo abehlangene; ababuyanga; bahamba baya phambili ngabanye.
UHEZEKILE 1:4-9 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Ndaza ndakangela; kekaloku nalu uquta luvela enode, ilifu elikulu, nomlilo uzibambela, nenkazimlo ilingqonga, napakati kwawo njengobubengebenge bekashemali, pakati kwomlilo. Napakati kwawo kwavela ukufana kwezidalwa ezipilileyo ezine; kuko oku ukubonakala kwazo: zibe zinokufana kwomntu. Kwaye kuko ubuso bune kwezinye ngezinye, namapiko emane kuzo zonke ngezinye. Nenyawo zazo zazizinyawo ezite ntse; nomzantsi wenyawo zazo wona ubunjengawo umzantsi wonyawo lwetole; zaye zibengezela njengobubengebenge bexina egudisiweyo. Zanezandla zomntu ngapantsi kwamapiko azo, ngasemacaleni azo omane; zazibe zinobuso bazo namapiko azo zona zone. Amapiko azo abebandakanyiwe elinye nelinye; bezingajiki ekuhambeni kwazo; zahamba ezinye ngezinye ngokuti ngqo.