Iivesi zeBhayibhile ezithandwayo ezisuka Jn 14

Yabelana

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

An tic, 'oj in c'an 'a qui Mam Dios, ax 'oj checnc cot junx 'oj colwjoc eyet'oc, atn Yespíritu caw yel. A 'oj can eyet' 'a jun 'ejmn̈ej. A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Tzann̈j tas 'oj e c'an 'a Dios 'a in b'i, 'oj in b'o 'ayex. 'Ixta 'oj in b'o an Yunnaln Dios tic, sec wach' 'oj checljc 'el wu'uj, to caw niwn yel'ch qui Mam Dios. Tzann̈j tas 'oj e c'an 'a Dios 'a in b'i, 'oj in b'o 'ayex.

Toto tzin e chamc'ojlej, yicljec jun tzo'n̈ in checnb'il.

A 'a yatut in Mam, til wal lugar 'aj wach' tzon̈ 'ajc cajan. Q'uinloc may tas, tox am 'ix wal 'ayex. A ticnec, to 'oj 'at in b'o eyet'l 'aj 'oj e c'ochi.

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

Ax Tomás 'ix aln 'ixtc 'a 'a: —Palta Mamin, man̈ cojcoc on̈, 'aj 'oj a c'och cha. Yuj cha, ¿tas 'oj cutc cojcan 'el jun b'e chi 'on̈? xchi.