Iivesi zeBhayibhile ezithandwayo ezisuka Heb 10

Yabelana

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec.

Caw te'n tzcutjec ca'n 'och yipc qui c'ojl jun 'aj tzcalc qui b'a. Man̈ chab'c'ojlalc tzcutjec qui b'a. Yujto a Dios, caw 'oj yac' 'el'choc jun 'aj ya'jnac sti 'ayn̈ec.

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

Yuj cha, caw man̈ eyactc can e te'nal cha. Yu'uj, ax e chan wal jun spac caw niwan.

A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec. Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios.