Iivesi zeBhayibhile ezithandwayo ezisuka Ef 6

Yabelana

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

Qui chac jun tzo'n̈ tas tzyac' Dios 'ayn̈ec. 'Icha jun tzo'n̈ syamc'ab' eb' soldado, 'ixta yopiso jun tzo'n̈ tic 'ayn̈ec, sec wach' 'oj stac' qui te'wtzanec qui b'a 'a win diablo, yic tzya'lni on̈ ya'nec prowal yet' sjelnal.

Yuj cha, 'icha junc soldado tzc'anlb'an syamc'ab'il yic owal, 'ixta tzeyutj e c'anlb'an jun tzo'n̈ tas tzyac' Dios 'ayn̈ec, sec te'n 'oj eyutc e b'a, yic 'oj jawc junc maysch'olnil. Toto 'ixta', a yic 'oj lajwc e b'on jantcn̈ej tas tznib'j Dios, an̈ja te'n ex ta'.

Ax junx tic, caw yowlal tze wach' 'a'j 'och Dios 'a e c'ojol, sec matz ex yamchj yuj win diablo, yic tzya'n owl eyet'oc. 'Icha to a jun tzo'n̈ simj 'aych sc'aq'uil, a tzjul cot win 'ayex. Lajn ex cab' 'icha eb' soldado 'aych smacl sat jul-lab' 'a sc'ab'. Caw tzeya'ch yipc e c'ojol to colchjnac ex. Toto 'ixta', lajn ex 'icha eb' soldado c'oxb'il jun q'uen xumpiln yu'uj. Axn̈ej spaxti Dios 'ac'b'il 'ayn̈ yuj Yespíritu tze c'anlb'ej, 'icha tzyutj eb' soldado sc'anlb'an yespada.

Yuj cha, caw te'n tzeyutj e b'a. Caw tzeya'ch e nab'en 'a jun 'ab'x caw yel, 'icha eb' soldado tzya'ch jun tzo'n̈ cincha yic owal. Caw tojl tzeyutj e b'eyb'al. To 'ixta', lajn ex 'icha eb' soldado tzcol sb'a yet' jun q'uen pichl tzya'ch eb' 'a sn̈i sc'ojol. 'Icha eb' soldado tzyac' lista sb'a, tzya'n 'och xan̈ab', 'ixta 'ex paxi. Tzeyac' lista e b'a yet' e nab'en, yic tzex 'at eyal-l wach' 'ab'x yic junc'ojlal.

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

'Ay jun schecnb'il Dios yel xo niwn yel'chi. Yaljnac can 'ixtic: 'Ay cab' yel'ch e mam e nun 'a e sat, xchi. Ya'jnac can Dios sti yuj tas tzyac' 'ayn̈ec, toto tzqui yicljec. Yujto tzyal pax 'ixtic: Toto 'ixta', caw tzaljc'ojlal eyico'. 'Oj najtxb'oc e q'uinl 'a yolyib'n̈q'uinl tic, xchi jun checnb'il cha.

Ax xo ex 'unnab'il, caw yiclum tzeyutj e b'a 'a e mam e nun, yujto creyente ex. Caw wach', toto 'ixta tzeyutj e b'a.