Iivesi zeBhayibhile ezithandwayo ezisuka Mateus 16

Yabelana

Ifiri mena nga Hesus eda haüül marahara lei tabwer bwa, “Nga sahü nga e wol ma uworumi re e masari pülüyei, ebwe marüyehi demarüye podür eda yafala yaar kurus eda tabweyai.

Meihira nga ibwe hauho bwa heer Pedro: heer polou, nga uwawori polour na ibwe haddüya yai iglesia uwawor, nga maade nga e tawau süya bwa ebwe ppou ma imowar.

Ibwe hariho marahara key eri Farüyeri weirengi, mena ho hatabu ma weidarop ra ebwe tabu ma weirengi, nga mena ho hasüya tabur ma weidarop ra e süya tabur ma weirengi.”

Yalematara ebwe masari na ebwe haruwa fadar ra ebwe taminaho na fadar, nga yalematara e fangaraho fadar nihataingehi ra ebwe welitafariya na fadar.

E wol nifaari mena yalemat ebwe hädi uruteri farüyeri yalemat, nga e fangaraho fadar? E tawol. E tawol dewa na yalemat e süye bwa ebwe faülü bwa ebwe häditafariya fadar.

Hesus eda haüül bwa, “Nga hami, hau dölü bwa ngaangu itöü?” Simon Pedro eda parüyeri na ramar eda dölü bwa, “Heer Mesias ra Rauri Dios ra e fad.”

Hesus eda haüya bwa, “Simon ra rauri Yohanes, ho hafaiyemau. E tawol yalemat re e hauho titiror. Ramara ho tapa ra Papai ra e mire weirengi re e hauho.