Iivesi zeBhayibhile ezithandwayo ezisuka Ин 14

Yabelana

Тӓлӓндӓ тырым кодем, ӹшкӹмемӹн тырем тӓлӓндӓ пуэм, сӓндӓлӹк пумы семӹнь агыл Мӹнь пуэм. Тӓмдӓн шӱмдӓ ӹнжӹ тыргыжланы дӓ ӹнжӹ лӱд.

Иисус тӹдӹлӓн келесен: «Мӹнь корны, лачок дӓ ӹлӹмӓш ылам. Мӹнь гачем агыл гӹнь, иктӓт Ӓтя докы толын ак керд.

«Тӓмдӓн йӓнгдӓ ӹнжӹ тыргыжланы. Йымылан ӹнянӹдӓ дӓ Мӹлӓм ӹнянӹдӓ.

А Ӓтя Мӹньӹн лӹмем доно Перегӹшӹм, Святой Шӱлӹшӹм, колта. Тӹдӹжӹ тӓмдӓм цилӓэш тымда дӓ, мам Мӹнь попенӓм, тӓлӓндӓ цилӓ ӓшӹндӓрен пуа.

Мӹньӹн шӱдӹмӹвлӓэм кӱн улы дӓ нӹнӹм кӱ шокта, тӹдӹ Мӹньӹм ярата. А кӱ Мӹньӹм ярата, Ӓтям тӹдӹм яраташ тӹнгӓлеш, Мӹнят тӹдӹм яратем дӓ тӹдӹлӓн Ӹшкӹмемӹм анжыктем».

Мӹнь Ӓтя гӹц сарвален ядам, дӓ Тӹдӹ тӓлӓндӓ вес Перегӹшӹм пуа, Тӹдӹжӹ тӓ сагада курымеш лиэш. Тидӹ – Лачокын Шӱлӹшӹжӹ, сӓндӓлӹк Тӹдӹм нӓлӹн ак керд, вет Тӹдӹм ак уж дӓ ак пӓлӹ. Но тӓ Тӹдӹм пӓледӓ, вет Тӹдӹжӹ тӓ сагада кодеш дӓ тӓ донда ушнен шалга.

Мӹньӹн лӹмем доно Ӓтя гӹц мам ядыда гӹнь, Мӹнь тӹдӹм ӹштем, дӓ тидӹн доно Ӓтя Эргӹжӹ гач лӹмлештӓрӓлтеш. Мӹньӹн лӹм доно иктӓ-мам ядыда гӹнь, Мӹнь тӹдӹм ӹштем.

Тӓ Мӹньӹм яратедӓ гӹнь, Мӹньӹн шӱдӹмем ӹштӹдӓ.

Ӓтямӹн пӧртӹштӹжӹ шукы ӹлӹмӹ вӓр улы. Тенге агыл гӹнь, Мӹнь тӓлӓндӓ ”Вӓрӹм йӓмдӹлӓш кеем” манын келесем ыльы.

Мӹнь кеем дӓ тӓлӓндӓ вӓрӹм йӓмдӹлем, а вара, кышты Мӹнь лиӓм, тӓӓт тӹштӹ лидӓ манын, Мӹнь мӹнгеш пӧртӹлӓм дӓ тӓмдӓм Ӹшке докем нӓлӓм.

Фома келесен: «Господь, Тӹнь кышкы кеет, мӓ ана пӓлӹ. Кыце мӓ корнетӹм пӓлен кердӹнӓ?»