Iivesi zeBhayibhile ezithandwayo ezisuka Гал 6

Yabelana

Пурым ӹштӹмӓшеш мӓлӓннӓ янгылаш ӹнжӹ ли, ана слабкаэм гӹнь, ӹшке веремӓштӹжӹ лӓктӹшӹжӹм тӹредӹнӓ.

Тенгежӹ, веремӓнӓ улы годым, цилӓлӓн, паснаок ӹнянӹмӓш гач мӓлӓннӓ шӱмбел дон ӓкӓ-шыжар лишӹвлӓлӓн, пурым ӹштӹшӓшлык ылына.

Иктӹ-весӹдӓн нелӹлыкым намалда, тенге тӓ Христосын законжым шоктедӓ.

Идӓ алталалт: Йымым вырсаш ак ли. Эдем мам ӱдӓ, тӹдӹм тӹредеш.

Ӹшкӹмжӹн кӓп дон йӓнгӹшкӹжӹ ӱдӹшӹ – кӓп дон йӓнг гӹцок пӹтӹмӓшӹм тӹредеш, а Шӱлӹшӹш ӱдӹшӹ – Шӱлӹш гӹц курымашлык ӹлӹмӓшӹм тӹредеш.

Шӱмбелвлӓ, эдем иктӓ-махань сулыкыш пыра гӹнь, тӓ, Шӱлӹш вуйлатымы семӹнь ӹлӹшӹвлӓ, техень эдемӹм смирнӓ йӓнг доно виктӓремӓдӓ, но ӹшкӹмдӓмӓт анжыда, идӓ алталалт.

Кӱ, нимат агыл гӹнят, ӹшкӹмжӹм тӓгӱэшок шотла, тӹдӹ ӹшкӹмжӹм ӹшке алтала. Каждый ӹшке пӓшӓжӹм тергӹжӹ, тӹнӓм когоэшнӹмӹжӹ весӹн пӓшӓжӹ гишӓн агыл, а ӹшкӹмжӹн пӓшӓжӹ гишӓн лиэш. Каждый ӹшке нелӹлыкшым намалшашлык.