Iivesi zeBhayibhile ezithandwayo ezisuka KwabaseKolose KwabaseKolose 1

Yabelana

owasihlangulayo egunyeni lobumnyama, wasifudusela ebukumkanini boNyana wakhe oyintanda

Ngokuba zadalelwa kuye zonke izinto, ezisemazulwini nezisemhlabeni, ezinokubonwa nezingenakubonwa, nokuba ziitrone, nokuba zibubukhosi, nokuba zizilawuli, nokuba ngamagunya; zonke izinto zidalwe nguye, zidalelwe yena.

Yena ke ungaphambi kweento zonke, nazo zonke izinto zima zimi kuye.

Ungumfanekiselo kaThixo ongenakubonwa, owamazibulo kwindalo yonke.

Ngenxa yoko nathi, kususela kwimini esakuvayo oko, asiyeki ukunithandazela, nokukhunga, ukuze nizaliswe kukukwazi kakuhle ukuthanda kwakhe, ninobulumko bonke, nangokuqonda koMoya; ukuze nihambe ngokuyifaneleyo iNkosi, nise kuko konke ukukholisa, nixakathe isiqhamo kuwo wonke umsebenzi olungileyo, nikhulela ekumazini uThixo