Iivesi zeBhayibhile ezithandwayo ezisuka Mataayo 15

Yabelana

Leelo shiila sha shifuma mwi‑ilomu lya muntu, shifuma mu mwoyo gwakwe. Sha shɨɨsho shihumʼmɨɨha ʉmuntu abhe mwavu. Ɨnjanjile ɨsho, pɨpo muuhati mu mwoyo gwa muntu mwa mufuma ɨnsɨɨbho ɨmbiibhi, ʉgoji, ʉweegu, ʉbhembusu, ʉwiibha, ʉsimishizi ʉwi‑ilenga nɨ ndigo.

“Tejeelezyi shinza na muzyaganyaaje! Ɨvintu vya vitʉʉha mwi‑ilomu saga vya vihumʼmɨɨha ʉmuntu abhe mwavu. Lyoli, vya vifuma mwi‑ilomu lyakwe ɨvyo vya vihumʼmɨɨha ʉmuntu abhe mwavu.”

‘Abhantu ɨbha bhahuntendeha anɨ mwi‑ilomu lwene, lyoli amooyo gaabho gali hutali naanɨ. Bhahumpuuta anɨ lwene, pɨpo ga bhamanyizya miiho ga bhantu, saga miiho ga Ngʉlʉbhɨ.’ ”

ɄYeesu ahamʼmwamula ahaga, “Wee nʼshɨ, ʉli nʉ lwɨtɨho ʉlugoosi tee! ɄNgʉlʉbhɨ anza hubhombele nanshi shʉ‑ʉhwanza.” Nalinaali, ʉmwalɨ waakwe ʉla ahapona.

Ʉnʼshɨ ʉyo ahasejeela, ahasugamila pitagaalila lya Yeesu, ahanʼnaabha ahaga, “Wee Mwɨnɨ, ɨhulaabha ʉnaavwe!” Ahamʼmwamula ahaga, “Saga shinza ahweje ɨshalye sha bhaana na‑aponyezye ɨmbwa.” Ʉnʼshɨ ʉla ahaga, “Lyoli Mwɨnɨ, leelo ɨmbwa zyope zisebheelezya ɨvyalye vya vilagala pa nsi afume pa meeza ɨzya bhagoosi bhaabho.”