Iivesi zeBhayibhile ezithandwayo ezisuka ማ̈ርቆ̈ሳ 9

Yabelana

ዬሱ̈ሲ ናሳ̈ክ ጌዪ “ዎዛርፌ̈ን ‘ኔ̈ብ ዳንዳኢንቲ̇̈ርኮ’ ጋ̈ር ሶ̈ላ̈ራ? ኣማ̇ኒዝ ኣሳቦ ዎይ ባዝ ዳንዳኢንቲ̇̈ሬ” ጌይዴ።

ና̈ራ ባ̈ባ ኤሊ̇ር ጌዪ “ቴ ኔ̈ና ኣማ̇ኒን ኣማ̇ና̈ርዶ̈ን ዓታ̇ር ጉጃ̇ ኣማ̇ናምፔ̇̈ን ታ̈ና ማ̈ዳቤ” ጋር ጴች ሶ̈ሊዴ።

ዬሱ̈ሲ ኬ̈ ጌላር ፌ̈ብ ዎዶ̈ን “ኢ ታማ̈ራን ጌዪ፥ ዪ ኢ̈ታ ኣያ̇ና ኬሳ̇ንዳብ ኑ̈ና ጋሚኖን ኣባቢያ?” ጋ̈ር ኦይጪ̇ን፥ ኢያር ኢንታኮ “ዪ̈ዲፌ̈ኖ ኢ̈ታ ኣያ̇ና̈ዲ ዎ̈ሳባርኬ [ጾ̈ማባርዶኬ] ሜላ̇ ኣባካር ጌይን ኬስኪባ̈ሴ” ጌይዴ።

ማጺኖ ኮሽ ባዜ። ማ̈ቂ̇ናካሬ ማጺኖ ፌ ቃ̈ን ኣሼ̇̈ጌይንዶ ዪንቲ ኢያ ኣባር ቃ̈ጺሳንቴ? ዪንታ̇ቦ ማጺናፌ̈ኒ ቃ̈ ዶኦጋ̈ቤ፤ ዎልዎልኣ ሳሪቲባር ዶኢብቴ̇” ጌይዴ።

“ዓን ፌ̈ኖ ኣቂሊ ናኣን ጋርታፖ ፔታ̇ና ቴ ጊሻ̇ቦ ጋ̈ሪ ሞኪ̇ዝ ኣሲ ታ̈ና ሞኪ̇ሬ። ታ̈ና ሞኪ̇ዝ ኣስ ዎይ ታ̈ና ጊዳካ̇ይዶ̈ን ታ̈ና ኪ̈ቲ̇ ሚሺኖ ታ ባ̈ባ̈ ሞኪ̇̈ሬ” ጌይዴ።

ቴ ዪንታ̇ክ ኪን ጋ̈ሬ፥ ዪንቲ ክርስቶ̈ሳይ ማ̈ቂ̇ኖኮታ̇ቦ፥ ቴ ሱ̈ምባራ ዪንታ̇ ፔቲ̇ ቡርጩ̇ካ̇ ዋ̈ ኡሺ̇ዝ ኣስ ዎይ ጾ̈ሳ̇̇ ቲ̈ን ዋ̈ጋ ኢ̈ብ ዎ” ጌይዴ።

ዬሱ̈ሲ ማ̈ቃ̇ሪ “ታ̈ና ኣማ̇ኒዛን ዪን ጊላ̇ን ጋርታ̇ፖ̇ ፔታ̇ና ናጋራባር ኬዳ̇ምፔ̈ን ዎቲዝ ኣስ ዎኮ ዎጽ ሹች ጴች ኢ ቆ̈ን ጋልዳ ቃቻ̇ሪ ኢያ ባሃ̈ራ ጋርታ ሚሺ̈ርኮ ኢ̈ብ ኮሼ̇።

ኔ ኣ̈ፊን ኔ̈ና ባሊ̈ርኮ ዎ̈ጫር ኬሳር ፋይቤ። ናምኢ ኣ̈ፍባር ዶኣራ ጋ̈ና̇ማ ጋርታ̇ ጌላናፖ̇፥ ፔቲ̇ ኣ̈ፊ ኔ̈ብ ዶኢን ጾ̈ሳ̇̇ ካ̈ቲቲ ጋርታ̇ ጌላ̈ርኮ ኔ̈ብ ኮሼ̇። [