Iivesi zeBhayibhile ezithandwayo ezisuka MATIU 18

Yabelana

Koe min na mu, ni mɔ fea, sawa bɛn‑da kaina min n 'na fɛ dencha ɔ, n bɛɛ n mbe ma‑a wan nɔ an tɛ ɔ.”

“N ni a ma din to wo tena. Ni wo mɔ fea gbe wɛɛ dɔn‑da nɛ dunya chɛ ɔ ko dɔndɔɛ ma koe a, mbɛ wo‑a Fa Yataa ɔ tisa an koe chɛ ko a, ɛ a ma‑a wan wo ye.

Mbɛ Chisɔsi‑a den mɛsɛ ɛndenɛ chee, mbɛ a na‑a a tena. Den den chɛ na‑a kɛn Chisɔsi tena, a‑a a ma wan, a sɔ‑a an gbɛɛ ya kɔɔ. Mbɛ Chisɔsi ɔ, “N ni a ma din wo tena, ni wo ma wo sɔnɛ mun ni, wo ni ma yɔ den mɛsɛ nu, wo ee don‑da Yataa 'a mansaya kɔɔ.

Mɔɛ min mbe ma‑a mɔ chenama a, mɔɛ chɛ n tɛ ɔ Yataa 'a mansaya kɔɔ, ɛ ma‑a mɔɛ an na, min mbe a wandi a yii‑a yɔ den mɛsɛ chɛ.

A sin, ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ.”

“Mbɛ n ni a ma din wo tena, mbɛ ni wo ma dɔn ni ko ɔ ko ma dunya chɛ ɔ, Yataa wɛɛ ee dɔn‑da a koe chɛ ma. Chɛɛ ni wo dɔn‑da ko ɔ ko ma dunya chɛ ɔ, Yataa wɛɛ ɛ dɔn‑da wan an koe chɛ ma.

Mbɛ Chisɔsi ɔ te gbɛ, “Ni wo ma chinchin ni wo bɔɛ n ma, wo ni wo boo bɔ an 'na ko yama n dɔ, Fa Yataa wɛɛ, ɛ a ma‑a ka wan wo wɛɛ a, yɔ mansa chɛ‑a a ma buɛ min dɔ kamin chɛ a.”

Chisɔsi ɔ, “Chɛɛ n fɛ denɛ den tachɛen bɛɛ, miin kai faen mu n na, mɔ ɔ mɔ kan kɔ kan, i wɛn mbe an na dɛ‑a ko yama ɔ, i‑a ko yama ma. Ɛ nyan‑da wan i mɔɛ chɛ ko a, an ni sen kanɛ chii i kan na, mbɛ an‑na i a dɛ yii wa ɔ.

“Ka wɛ n ni wo ɔ tisa. Ni sa chɛmɛ dɔndɔ ma‑a wo dɔndɔ wɛɛ boo ɔ, mbɛ dɔndɔɛ to‑a a ɔ, a ee to ka. Chɛɛ ɛ sa bi kɔnɔntɔ kun ma kɔnɔntɔɛ chɛ n to wan daun chɛ‑a kɔnkɔɛ kaa fɛ, mbɛ a ta‑a a ya a kan‑da dɔndɔɛ chɛ a min to‑a ka a ɔ. A ee ma ka wan?