Iivesi zeBhayibhile ezithandwayo ezisuka UMSEBENZI WABATHUNYWA 7

Yabelana

Bemxuluba njalo ngamatye, uStefano yena wakhala eNkosini esithi: “Nkosi Yesu, wamkele umoya wam!” Waguqa ngamadolo, wadanduluka wathi: “Nkosi, musa ukubabeka tyala ngesi sono!” Akukhov' ukutsho, wafa ke.

“ ‘Izulu likomkhulu lam,’ itsho iNkosi: ‘Umhlaba wona ngamathânga am. Ndluni eningaze nindakhele yona? Iphi yona indawo endingaphumla kuyo?

Kwesi sithuba basuka bazivingca iindlebe zabo, bahlahlamba kwathi nkxwe, baza basuka indulumbane phezu kwakhe. Bamkhuphela ngaphandle kwedolophu, bamxuluba ngamatye. Abamangaleli bakaStefano bazigcinisa iimpahla zabo kumfana ogama linguSawule.