Iivesi zeBhayibhile ezithandwayo ezisuka ᐊᒃᓱᑕᔅ 32

Yabelana

ᐃᔅᐱ ᐃᔪᒡ ᒐ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ᓂᑐᐛᐱᒪᐅᒡ ᐊᕋᓇ ᑭᔭ ᒂ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ᒋᔅᒐᔨᒪᓇᓐ ᑕᓐ ᐊᑎᑦ᙮”

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᓂᑎᒋᐛ, ᐛᔅ ᒋᑦ ᐃᔨᒥᒡ ᐊᓐᒡ ᐃᒋᑉᑎᒡ ᑲ ᐅᒋ ᐎᐎᑕᐃᑥᐤ, ᓴᔅ ᒥᒐᑎᓯᐅᒡ᙮ ᓴᔅ ᓂᑭᑎᒧᒡ ᑲ ᐃᑎᓱᐛᑎᒂᐤ ᒐ ᐃᑎᒡ, ᒥᓂᑐᐧᑲᓇ ᒪᒃ ᐅᓯᑎᒪᓱᐅᒡ, ᐊᔭᒥᐊᔅᑐᐛᐅᒡ ᑭᔭ ᒥᑐᔅᑕᐊᒧᐛᐅᒡ ᑭᔭ ᐃᔅᒋᔄᐅᒡ, ‘ᐊᐅᑯᐤ ᒋ ᒋᓴᒪᓂᑐᒧᐛᐤ, ᐅ ᐃᔅᕋᐃᓪ, ᐃᒋᑉᑦ ᐊᔅᒋᒡ ᐅᒡ ᑲ ᐸᒋ ᐎᐎᑕᐃᑕᐧᒄ᙮’ ”

ᐃᔅᐱ ᐊᕋᓐ ᐎᔭᐸᑕᐧᒃ ᑲ ᐃᔅᐱᔨᒡ, ᐱᔅᑎᓂᒐᐅᓇᐱᔅᑯᔪᐤ ᒋ ᐅᓯᑕᐤ ᐅᑎᔅᑯᐤ ᑲ ᐎᔄᐅᓱᓇᔭᐱᔅᑯᔨᒋ ᒥᓂᑐᐧᑲᓇ ᐊ ᑕᔨᒋ ᑭᔭ ᒂ ᐃᔅᒋᔄᑦ, “ᐛᐸᒐ ᒋᑭ ᒥᔽᑕᓇᓄᐤ ᐊ ᒋᔅᑕᔨᒪᐧᒄ ᐅᑎᐸᔨᒋᒐᐤ᙮” ᐊᑯ ᒥᓐ ᐎᔭᐱᓂᔨᒡ ᐎᐱᒡ ᒋ ᐅᓂᐅᒡ ᐃᔪᒡ ᑭᔭ ᒂ ᓂᐸᐊᒡ ᐱᔅᒐ ᐊᐛᓯᓴ ᒐᒋ ᒥᑐᔅᑕᐊᒪᒐᒡ ᑭᔭ ᒐᒋ ᒧᐛᒡ᙮ ᐃᔪᒡ ᒋ ᓇᐃᐳᐅᒡ ᒐᒋ ᒥᒋᓱᒡ ᑭᔭ ᒥᓂᒡ, ᒋ ᐱᓯᑯᐅᒡ ᒪᒃ ᒐᒋ ᓂᒥᒡ ᑭᔭ ᐎᓂᓯᐤ ᐱᒪᑎᓯᒡ᙮

ᒥᓐ ᐎᔭᐱᓂᔨᒡ ᒧᓱᔅ ᒂ ᐃᑕᑦ ᐃᔪᐛ, “ᒋᒋᐛ ᒋᒥᒋᑐᑕᓇᐛᐤ, ᒥᒄ ᐊᓄᒡ ᒥᓐ ᓂᑭ ᓴᑭᒋᐛᓐ ᐱᔅᑯᑎᓇᐤ ᒐᒋ ᓂᑐᐛᐱᒥᒄ ᑎᐸᔨᒋᒐᓱᐤ, ᒐᒋ ᒥᔪᐱᑕᔭᓐ ᒐᒋ ᐛᐸᔨᑎᒪᑯᐅᔭᒄ ᒋᒥᒋᑐᑎᒧᐅᓄᐛᐤ᙮”