Iivesi zeBhayibhile ezithandwayo ezisuka ᐊᑈᔅᑕᓇᒡ 16

Yabelana

ᐊᑯ ᑈᓪ ᒂ ᐃᑕᑦ ᐅᔭ ᓇᐸᐛ, “ᑕᑈᔭᔨᒻ ᐅᑎᐸᔨᒋᒐᐤ ᒋᓴᔅ, ᑭᔭ ᒐ ᐱᒪᒋᐅᔨᓐ ᑭᔭ ᒥᓯᐛ ᐊᓐᒡ ᐊᓐᑕ ᐊ ᐸᐃᑯᑕᐅᓯᔨᓐ ᐊ ᑕᒡ᙮”

ᒐᑲᑦ ᒋ ᐊᐱᑕᑎᐱᔅᑲᔨᒐ ᐊᑯ ᑲ ᐊᔭᒥᐊᒡ ᑈᓪ ᑭᔭ ᓴᓂᔅ ᑭᔭ ᐊ ᓂᑭᒧᔅᑐᐛᒡ ᒋᓴᒪᓂᑐᐛ, ᐊᓐᒡ ᒪᒃ ᑯᑎᑭᒡ ᑲ ᒪᑯᓇᑭᓄᐅᒡ ᒥᒄ ᒋ ᓂᑐᑐᐛᐅᒡ᙮ ᒐᒃ ᓯᔅᒋᑯᒡ ᓇᔅᒡ ᒋ ᓱᒐᔨᑕᑯᓐ ᐊ ᓂᓇᒥᔅᑲᒡ, ᐊᑯ ᐊᓐ ᑲᒪᑯᓄᐛᓯᐅᒋᐛᑉ ᓇᔅᒡ ᒋ ᐊᔭᒋᐱᔪᐤ᙮ ᒥᓯᐛ ᔅᑐᐧᑭᓂᒡ ᒋ ᔪᑕᐱᔪᐅᒡ, ᐊᑯ ᐊᓐᒡ ᑲ ᒪᒪᒋᒂᐱᔅᑲᐛᑭᓄᐅᒡ ᒋ ᒥᓂᐱᔪᐛ ᐊᓂᔭᔪᐛ ᐃᓴᒂᔭᐱᔭ ᑲ ᒋᔅᑲᒡ᙮

ᐊᑯ ᒂ ᐎᐎᑕᐊᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒋ, ᒂ ᐃᑕᑦ, “ᒋᔨᐛᐤ ᓇᐸᑐᒄ, ᐸᒋ ᐎᑎᒧᐅᒄ ᑕᓐ ᒐ ᐃᑎᔭᓐ ᐊ ᐎ ᐱᒪᒋᐅᔭᓐ ?”

ᒋ ᐸᑯᐱᔪᐤ ᐊᓐ ᑲ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ᙮ ᐃᔅᐱ ᐎᔭᐱᒪᑦ ᐊᓂᔭ ᔅᑐᐧᑭᓇ ᐊ ᔪᑕᑯᒋᓂᔨᒋ, ᒋ ᐃᑕᔨᑎᒻ ᒥᓯᐛ ᐊᓂᔭ ᑲ ᒋᐸᐛᑭᓄᔨᒋ ᐊᒋ ᒋᑎᓯᒧᔨᒋ᙮ ᐊᑯ ᑲ ᐎ ᓂᐸᐃᓱᑦ, ᒋ ᒥᓂᐱᑎᒻ ᐊᓂᔭ ᐅᓂᑐᐱᔪᐅ-ᒧᐧᑯᒪᓐ ᐊ ᐎ ᐊᐱᒋᑕᑦ ᐊ ᐃᔅᐱᔅ ᒥᔅᑎ ᓴᒋᓯᑦ᙮ ᑈᓪ ᒪᒃ ᒋ ᑕᑈᑕᐤ ᐊ ᐃᑕᑦ, “ᐊᑲᐎᔾ ᐎ ᐎᔭᔅᑐᑕᓱᐤ, ᒥᓯᐛ ᐛᔅ ᐊᓐ ᐊᔅᒄ ᐊᑯᑕ ᐅᑕ ᐊ ᑕᔭᒡ᙮”