Iivesi zeBhayibhile ezithandwayo ezisuka Mt 21

Yabelana

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

Yeso nyaʼa wììrɨ̀ əmbɨ mɨ̀mə̌d ni, “Mə ghà rəsìʼ ɨ nən ni, mbə mɨ berɨ ɨbenɨ nɨ chəi mbə̀ə bìrə̀, njɨ chəi mbə bɨrɨ ghɨ àmei ənû zɔ̂ nɨ mə̀ ghɨ ənɨ əzed ə fîg. Mbə mbe tɨ̀ mbə bə̀ ghà əmbɨ ɨwum wɔ̂ ni, 'Mən e wò feŋ ɨŋga rɨ̀bàà', wɨ bə̀ ghɨ̀ əne.

Mɨnɔ̂n bə̂d mbe nɨ nyaʼə wò ɨmbì mbɨ mbe nɨ nyaʼə beenɨ rɨ ənjìm, nyaʼə yènə̀ kyeŋə ghàə̀ ni, “Tɨ̀ yiirɨ ə Wan Dèvîd! Ŋwìə̀ zɨ əbɔrəbɔd ɨgun ə wə̀d we nɨə yeʼe ənɨ ɨkum Ə̀nùŋɨ̀sɨg. Tɨ̀ yiirɨ ə Ŋwìə̀ we nɨ yeʼ ɨkaŋ!”

Wɨ̀ nyaʼa ghà əmbɨ mɨ̀mə̌d ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Mbɨ bɨrɨ sɨə tɔŋə mɨ nəb ənɨ nəb ə̀kɔ̀ŋgɨ̀', àyɨə mbə fə bèŋ ənɨ əsɨ nɨ mɨjɨ ə nə̀mbɨ̀ ɨŋga.”

“Mbə̀ gha əmbɨ bə̂d mbe nɨə chub ə Zayɔ̀n ni, mbə̀ zə, ə ɨfɔ̀n wɨə yeʼe ɨ nən! Wɨ̀ fə swi i ɨnyod, əne kɔʼ ə jàkas bə̀ kɔʼ wan jàkas.”

Yeso nyaʼa ghà əmbɨ mɨ̀mə̌d ni, “Chəi mbə̀ kweʼ foŋ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə? Zɨə ghà ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb. Ənû zɔ̂ yɨ Ə̀nùŋɨ̀sɨg ghɨ̌, əne à yɨ ənû ə yiirɨ ɨ na nɨ zə.'?

Əne mə ghà ɨ nən ni Ŋwìə̀ bɨrɨ nɨŋ ənû ɨfɔ̀n əməd rɨ nən, sɨ nàʼ əmbɨ ə bə̂d mbe nɨ bɨrɨ sɨə ghɨ̀ ɨnû mbe nɨ wɨ̀ kə̀bɨ.”