مردخای اون چی‌یَ کی پیش بمو بینیویشته و نامه‌یأنَ، تومامٚ یهودیأنی‌یَ کی سراسرٚ خشایارشاه ولایتأن، چی دور و چی نزدیک، زندگی کودیدی اوسه کوده تا تعیین بوکونه کی اوشأن، وأستی همه‌تأ سال، روزأنٚ چهاردهم و پانزدهمٚ ماهٚ اَدار عید بدأرید، چره کی هو روزأن بو کی یهودیأن خوشأنٚ دوشمنأنٚ جأ راحتَ بوستید و او ماهٚ دورون اوشأنٚ غورصه و عزاداری به شادی و جشن وأگردسته. هَنٚ وأسی مردخای تعیین بوکوده کی اوشأن وأ اَ روزأن جشن و شادی برپا بوکونید و همدیگرٚ رِه غذا چأکونید و ببرید و فقیرأنَ چشم‌روشنی فدید.