خداوند میرا مدد گا رنمونہ

دوسرا دن: جب خُدا ہی واحد مددگار ہو…

"پس ہم دلیری سے کہتے ہیں کہ
خُداوند میرا مددگار ہے،
میں نہیں ڈروں گا؛
آدمی میرا کیا کرے گا؟"
(عبرانیوں 13:6)

زندگی میں ایسے لمحے آتے ہیں
جب سب دروازے بند دکھائی دیتے ہیں،
جب وسائل نہیں ہوتے،
اور صرف ایک ہی سہارا بچتا ہے…
خُدا۔

میں کبھی نہیں بھول سکتی
جب میں اپنی ماسٹرز کی پہلی کلاس میں گئی۔
پروفیسر نے آتے ہی اعلان کیا:

"جو اس اسائنمنٹ کو کل بہترین انداز میں مکمل کرے گا،
وہی میری کلاس میں بیٹھنے کے قابل ہوگا۔
باقی سب کو سیدھا گھر جانا ہوگا!"

میرے دل میں خوف کی لہر دوڑ گئی۔
میری سہیلیوں کے پاس لیپ ٹاپ تھے،
وہ انٹرنیٹ سے مدد لے کر آرام سے اسائنمنٹ تیار کر رہی تھیں۔
مگر میرے پاس کچھ بھی نہ تھا—
نہ لیپ ٹاپ، نہ انٹرنیٹ، نہ وسائل…
اور نہ ہی وہ اعتماد جو دوسروں کے پاس تھا۔

مجھے لگا جیسے سب کچھ میرے خلاف ہے۔
لیکن تب…
میں نے خُدا کی طرف رُخ کیا۔
ایک کونے میں جا کر خاموشی سے
اپنے دل کو اُس کے قدموں میں رکھ دیا۔

میرے پاس صرف ایک سہارا تھا—
خُدا۔

میں نے دعا کے ساتھ اسائنمنٹ لکھی،
اور اسے اُس کے ہاتھوں میں سونپ کر
پُرامن نیند سو گئی۔

اگلی صبح کالج پہنچی تو کلاس میں تناؤ کا عالم تھا۔
پروفیسر نے اسائنمنٹ چیک کرنا شروع کی۔
ایک ایک کر کے سب کی کاپیوں کو رد کیا جانے لگا۔

یہ وہ لمحہ تھا جب میں نے
اپنے دل میں صرف ایک نام بولا:
"یسوع، تُو ہی میری مدد کر۔"

جب میری باری آئی،
تو کانپتے ہاتھوں سے اسائنمنٹ پروفیسر کے سامنے رکھی۔
پہلا صفحہ پلٹا…
پھر دوسرا…
پھر تیسرا…

میری سانسیں تھم گئیں۔

اچانک، پروفیسر نے میری اسائنمنٹ بلند کر کے کہا:

"یہ ہے وہ اسائنمنٹ جو میں چاہتا تھا!"

میرے آنکھوں سے آنسو نکل پڑے…
کیونکہ میں جانتی تھی—
یہ میری قابلیت نہیں،
بلکہ میرے خُدا کی مدد تھی!

پوری کلاس میں،
صرف میں کامیاب ہوئی تھی۔

پروفیسر نے کہا:

"اس نے جو لکھا، وہ دل سے لکھا ہے۔
باقی سب نے انٹرنیٹ سے نقل کی ہے۔"

اُس دن،
میں نے اپنی آنکھوں سے دیکھا کہ
جب کوئی بھی ساتھ نہ ہو،
تب خُدا کس طرح ساتھ دیتا ہے۔

اور آج،
پورے یقین اور دلیری سے میں کہہ سکتی ہوں:

"خُداوند میرا مددگار ہے،
میں نہیں ڈروں گی؛
آدمی میرا کیا کرے گا!"

دوستو،
جب سب دروازے بند ہوں،
جب کوئی امید نہ ہو،
تو یاد رکھیں…
خُدا ہمیشہ مددگار ہے—اور وہ کبھی ناکام نہیں ہوتا۔

– صبا ہارون