Matalikilo 23
23
Sara mbwaakafwa akuzikwa
1Lino Sara wakapona myaka iili mwanda amakumi obile amusanu aibili. Mbuyakabede myaka yabuumi bwa-Sara. 2#Joh 11:31,35Elyo Sara waka fwa mu-Kiriyati-ariba (ngonguwo Hebroni) munyika ya-Kanana, nkabela Abrahamu wakanjila kukulila Sara akoomoka. 3Mpawo Abrahamu, naakabuka kuzwa kumufu wakwe, wakaambila bana ba-Heti kuti, 4#Heb 11:9,13; Inc 7:16; Matl 17:8; 1 Mak 29:15; Int 39:12; 105:12; 2 Kor 5:6,7; 1 Pet 1:17; 2:11; Matl 49:30Ndi mweenzu asikukalakala buyo akati kanu. Amundipe mavwikilo akati kanu, nkaavube, nkazike mufu wangu kuzwa kumeso aangu. 5Elyo bana ba-heti bakavwiila Abrahamu kuti, 6#Matl 13:2; 14:14Utuswiilile, mwami. Uli silutwe mupati akati kesu. Kozika mufu wako kufumbwa nkosala mumavwikilo esu mabotu. Taakwe muntu naba omwe akati kesu uukonzya kukukasya mavwikilo aakwe kuti uzike mufu wako. 7#Rom 13:7Mpawo Abrahamu wakabuka, wakotamina bantu banyika, bana ba-Heti. 8Lino wakabaambila kuti, Na ncobeni mwazumina kuti nzike mufu wangu, amundiswiilile. Amundikumbilile kuli-Efroni mwana wa-Zohari, 9kuti andipe isempo lya-Makipela ndyajisi, lili kumagolelo aamuunda wakwe. Anduuzizye muulo uuzwide kumeso aanu, kuti nkalivube, libe mavwikilo aangu. 10#Matl 34:20,24; Rut 4:4Lino Efroni kakede akati kabana ba-Heti. Nkabela Efroni mu-Hiti wakavwiila Abrahamu mumatwi aabana ba-Heti, mumatwi aaboonse ibakanjila mumulyango wamunzi, wati, 11#2 Sam 24:20-24Pe, mwami. Amundiswiilile. Ndakupa muunda, alyalo isempo lili mulinguwo. Zyoonse buyo ndakupa okuno kumeso aabantu bangu, kuti uzike mufu wako. 12Mpawo Abrahamu wakakotamina bantu banyika, 13#Flp 4:5-8nkabela wakaambila Efroni mumatwi aabantu banyika kuti, Wence undiswiilile, Ndakupa mali aamuunda. Tambula kuzwa kumaanza aangu, kuti nzike mufu wangu nkukonya oko. 14Lino Efroni wakavwiila Abrahamu kuti, 15#Kul 30:13; Ezk 45:12Swiilila, mwami, nyika yamasyekeli aansiliva aali myanda yone, ncecinzi akati kangu ayebo? Kozika mufu wako. 16#Jer 32:9-12Mpawo Abrahamu wakaswiilila Efroni, nkabela Abrahamu wakapimina Efroni bulemu bwamali aansiliva mbubonya mbwaakaamba mumatwi aabana ba-Heti, nkukuti masyekeli aansiliva aali myanda yone, mbubakali kupima basambazi.
17 #
Matl 25:9; 49:30; Inc 7:16 Mbuboobo muunda wa-Efroni waku-Makipela kunembo lya-Mamre, nkukuti muunda nkulibede isempo, azisamu zyoonse zyamumuunda anyika yoonse iiengelede, 18mbuwakaba civubo ca-Abrahamu mumeso aabana boonse ba-Heti aboonse ibakali kunjila mumulyango wamunzi wakwe. 19#Matl 35:29Lino naakamana makani aya, Abrahamu wakazika Sara mukaakwe omo musempo lyamumuunda waku-Makipela kunembo lya-Mamre (ngonguwo Hebroni) munyika ya-Kanana. 20#Rut 4:7-10; Jer 32:10,11Muunda asempo lili mulinguwo, zyoonse zyakapegwa mumaanza aa-Abrahamu, azivube, zibe mavwikilo aakwe, mbubakacita bana ba-Heti.
موجودہ انتخاب:
Matalikilo 23: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.