Matalikilo 10
10
Mazyalani aabana ba-Nowa
1Ngaaya mazyalani aabana ba-Nowa, Semu, Hamu a-Jafeti. Izambangulwe nilyakamana, bakazyalilwa bana.
2 #
1 Mak 1:5-7
Bana ba-Jafeti mbaaba: Gomeri a-Magogi a-Madai a-Javani a-Tubali a-Meseki a-Tirasi. 3Abana ba-Gomeri mbaaba: Asikenazi a-Rifati a-Togarima. 4Abana ba-Javani mbaaba: Elisa a-Tarisisi, Kitimu a-Dodanimu. 5Inyungu zyabaaba nzezyakaabana nyika zyabamasi zili kunkomwe yalwizi, umwi aumwi mbuli mwaambo wakwe aluzubo lwakwe akati kabamasi,
6Abana ba-Hamu mbaaba: Kusi a-Mizraimu a-Puti a-Kanana. 7Abana ba-Kusi mbaaba: Seba a-Havila a-Sabeta a-Raama a-Sabeteka. Abana ba-Raama mbaaba: Seba a-Dedani. 8Nkabela Kusi wakazyala Nimrodi, ngonguwe iwakataanguna kuba mwaalumi sintaze ansi. 9#Matl 6:11Kali muvwimi singuzu kumeso aa-Jehova. Nciceeco ncicaambilwa kuti, Mbuli Nimrodi muvwimi singuzu kumeso aa-Jehova. 10#Mik 5:6Kumatalikilo bwami bwakwe bwakali Babuloni a-Ereki a-Akadi a-Kalene munyika ya-Sinara. 11Kuzwa kunyika eyo wakainka ku-Asuri, waakuyaka Nineve a-Rehoboti-Iri a-Kala, 12a-Reseni akatikati ka-Nineve a-Kala, ngonguwo munzi mupati. 13Alakwe Mizraimu wakazyala Ludi a-Anamimu a-Lehabimu a-Nafituhimu, 14#1 Mak 1:12a-Paturusimu a-Kasiluhimu (mulunyungu lwakwe mobakazwa ba-Filisti) a-Kafitorimu.
15Alakwe Kanana wakazyala Zidoni mwanaakwe mutaanzi, a-Heti, 16aba-Jebusi, aba-Amori, aba-Girigasi, 17aba-Hivi aba-Ariki aba-Sini, 18aba-Arivadi, aba-Zemari, aba-Hamati. Nkabela nicakaba ciindi inzubo zyaba-Kanana zyakapalangana. 19#Matl 13:12-15; 15:18-21; My 34:2,12; Jos 12:7Mugaano waba-Kanana wakali kuzwa ku-Zidoni kuya kulubbazu lwaku-Gerari kusikila ku-Gaza, alimwi kuya ku-Sodoma a-Gomora a-Adima a-Zeboimu, kusikila ku-Lasa. 20Mbaabo bana ba-Hamu, munzubo zyabo amyambo yabo azisi zyabo amisyobo yabo.
21Alakwe Semu, wisi bana ba-Eberi, munyina jafeti mupati, wakazyalilwa bana. 22#1 Mak 1:17Bana ba-Semu mbaaba: Elamu a-Asuri a-Arifakisidi a-Ludi a-Aramu. 23Abana ba-Aramu mbaaba: Uzi a-Huli a-Geteri a-Masi. 24#Matl 11:12Nkabela Arifakisidi wakazyala Sela, alakwe Sela wakazyala Eberi. 25#1 Mak 1:19Lino Eberi wakazyalilwa bana bobile. Izina lyaumwi kali Pelegi, nkaambo mumazuba aakwe nyika yakaandaanisigwa, azina lyaumunyina kali Jokitani. 26Nkabela jokitani wakazyala Alimodadi a-Selefi a-Hazaramaveti a-Jera, 27a-Hadoramu, a-Uzali, a-Dikila, 28a-Obali, a-Abimaeli a-Seba, 29a-Ofiri, a-Havila, a-Jobabi. Abo boonse bakali bana ba-Jokitani. 30Nkabela nyika njebakakala njeeyi: kuzwa ku-Mesa kuya ku-Sefari cilundu cakujwe. 31Mbaaba bana ba-Semu munzubo zyabo amyaambo yabo anyika zyabo azisi zyabo.
32 #
1 Mak 1:4; Matl 9:19 Nzeezyo inzubo zyabana ba-Nowa mumazyalani aabo amuzisi zyabo. Munyungu zyabo misyobo yabantu moyakapalanganina ansi kusule lyazambangulwe.
موجودہ انتخاب:
Matalikilo 10: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.