Romanos 10:11-13

Joꞌcaꞌin tzꞌi̱banbil saꞌ li Santil Hu: Li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. () Chiru li Dios juntakꞌe̱teb laj judío riqꞌuin li ma̱cuaꞌeb aj judío xban nak jun ajcuiꞌ li Ka̱cuaꞌ saꞌ xbe̱neb chixjunileb. Ut nim li ruxta̱n saꞌ xbe̱neb chixjunileb li nequeꞌya̱ban re lix cꞌabaꞌ. Joꞌcaꞌin tzꞌi̱banbil saꞌ li Santil Hu: Yalak ani ta̱ya̱ba̱nk re xcꞌabaꞌ li Ka̱cuaꞌ, aꞌan ta̱colekꞌ.